25/02/11

Nesta nuite de siléncios

Diç-me amigo
Que pinceles ousar
Para pintar l mundo
Cun que spátula l smerilar
Para que nel haba pan
Para a todos fartar.

Nesta nuite de siléncios
Oubo bózios de rebuolta
Sinto las balas de la fuorça
Beio sangre na baleta.

Ajuda-me amigo
A amanhar la paleta.

Cun l branco pintamos la paç
Cun l berde l daremos la sprança
Cun l amarielho senaras
Cun l burmeilho la fuorça
Cun l azul serenidade
Cun l cinza de nubres, l´auga.

Quedou-mos na paleta
Ua quelor arrecantada
Cun eilha pintaremos l cielo
Para que nel las streilhas i la lhuna
Mos fágan nuite strelhada.

Nesta nuite de siléncios
Hai un pobo que se calha…




2 comentários:

Abelhon disse...

Einorme l rodion de rebuolta nos siléncios que eiqui pinteste.

Un chi
A.

Adelaide Monteiro disse...

Ye berdade Abelhon. Ua rebuolta tanta beç atafanhada cun ampoténcia.