04/02/11

Que Bouba que You Sou


Deixo-bos hoije ua música de anterbençon, de l'outorie de ls Deolinda, apersentada hai poucos dies nun cuncerto al bibo. La lhetra ye brilhante i cumpletamente atual.






Sou de la giraçon sin remuneraçon
i nun me anquemoda esta cundiçon.
Que bouba que you sou!

Porque esto stá mal i bai a cuntinar,
yá ye ua suorte you poder stagiar.
Que bouba que you sou!
I quedo a pensar,
que mundo tan boubo
adonde para ser scrabo ye perciso studar.

Sou de la giraçon ‘casica de ls pais’,
se yá tengo todo, para quei querer mais?
Que bouba que you sou!
Filhos, home, stou siempre a adiar
i inda me falta l carro pagar,
Que bouba que you sou!
I quedo a pensar
que mundo tan boubo
adonde para ser scrabo ye perciso studar.

Sou de la giraçon ‘bou-me a queixar para quei?’
Hai alguien bien pior do que you na TB.
Que bouba que you sou!

Sou de la giraçon ‘you yá nun puodo mais!’
que esta situaçon dura hai tiempo demais
I bouba nun sou!
I quedo a pensar,
que mundo tan boubo
adonde para ser scrabo ye perciso studar.

4 comentários:

Tortulhas disse...

Biba, Fir, buonas nuites,

L rapaç de l Bloco que scribe na última páigina de l Público (nun se me lhembra l nome), hoije ó onte, amentaba nisto mesmo i nesta cantiga. La geraçon "rasca", ó la geraçon "à rasca". La nuossa!
Abraço

ACangueiro disse...

Bah rapazes, bós nun sódes boubos, nin rascas, mas si buonos rapazes, capazes de anterbir.
Fácil nun era ne l miu tiempo, nun ye fácil agora mas quando foi fáci? Fácil, fácil, solo para alguns.
Tamien tengo ua un casa, berdes, a modos Sporting: recibe pouco, tarde i a malas horas.

Abraço a ambos a dous i a todos ls jobes.

franciscobelharino disse...

Buonos dies Firmino,

Parabienes pula traduçon i por teneres puosto eiqui la cantiga esta de ls Deolinda que tanto a perpósito ben. Hai que nun desanimar i cuntinar a anterbir para que esta giraçon deixe de ser la giraçon de ls 500 i passe a ser tratada cunsante las sues competénças i coincimientos.
Un abraço arrochado,

Francisco

Fir disse...

Buonas nuites amigos.

Tortulhas,nun sabie que Rui Tavares habie screbido sobre esto. Oubrigado. Fui pesquisar i çcubri l testo ne l blogue del: http://ruitavares.net/coluna-publico/a-geracao-parva/

Bale la pena ler. Jesé Manuel Fernandes tamien screbiu sobre l assunto, mas penso que la oupenion del ye bastante bouba i hipócrita. Stá eiqui: http://geoespacialidade.blogspot.com/2011/02/tudo-o-que-espoliamos-geracao-sem.html

Antonho i Francisco,

oubrigado pul boto de solidariedade an relaçon a la nuossa giraçon. Nós sabemos bien que nun somos rascas. Mas si, somos un pouco boubos (ne l sentido de la música)...

Un abraço a todos,

Fir