21/02/11

Ls Ouropeu Ban…

La sociadade ouropeia stá an bias de se outo-çtruir. L sou modelo social ye mui eisigente an meios financeiros. Mas, al mesmo tiempo, ls ouropeus nun quieren trabalhar. Solo trés cousas les antressan: lhazer/antretenimiento, ecologie i futebol na TB! Biben, antoce, bien arriba de ls sous meios. Porque ye perciso pagar estes suonhos de miúdos...

Ls sous andustriales çlocalizan-se porque nun stan çponibles para suportar l custo de trabalho na Ouropa, ls sous ampuostos i taxas para financiar la sue assisténcia generalizada.
Antoce andebidan-se, biben la crédito. Mas ls sous filhos nun poderán pagar 'la cunta'.

Ls ouropeus çtruíran, assi, la sue culidade de bida ampobrecendo.
Botan ourçamientos siempre deficitairos. Stan asfixiados pula díbeda i nun poderán honrá-la.

Mas, para para alhá de se andebidar, ténen outro bício: ls sous gobiernos 'sangran' ls cuntribuintes. La Ouropa detén l recorde mundial de la presson fiscal. Ye un berdadeiro 'anfierno fiscal' para aqueilhes que crian riqueza.

Nun cumprendírun que nun se porduç riqueza debedindo i partilhando mas si trabalhando. Porque quanto mais se reparte esta riqueza lhemitada menos hai para cada un. Aqueilhes que porduzen i crian ampregos son punidos por ampuostos i taxas i aqueilhes que nun trabalhan son ancorajados por ajudas. Ye ua amberson de balores.

Antoce l sou sistema ye perberso i bai amplodir por sgotamiento i sufocaçon. La çlocalizaçon de la sue capacidade pordutiba proboca l
abaixamiento de l sou nible de bida i l'oumiento de l... de la China!

Drento dua ó dues geraçones 'nós' (ls chineses) eiremos ultrapassá-los. Eilhes tornar-se-on ls nuossos pobres. Dar-les-emos sacas d'arroç...

Eesiste un outro cáncaro na Ouropa: eisisten funcionairos la mais, un amprego an cada cinco. Estes funcionairos son sedentos de denheiro público, son dua grande ineficácia, quieren trabalhar l menos possible i anque de las einúmaras bantaiges i dreitos sociales, stan muitas bezes an grebe. Mas ls decisores áchan que bal mais un funcionairo ineficaç de l qu'un zampregado...

Ban (ls ouropeus) dreitos a un muro i l'alta belocidade...

“Antrebista dun porsor chinés d'eiquenomie, subre la Ouropa, l Prof. Kuing Yaman - que bibeu an Fráncia”

(Em Português)

Os Europeus Vão…

A sociedade europeia está em vias de se auto-destruir. O seu modelo social é muito exigente em meios financeiros. Mas, ao mesmo tempo, os europeus não querem trabalhar. Só três coisas lhes interessam: lazer/entretenimento, ecologia e futebol na TV! Vivem, portanto, bem acima dos seus meios. Porque é preciso pagar estes sonhos de miúdos...

Os seus industriais deslocalizam-se porque não estão disponíveis para suportar o custo de trabalho na Europa, os seus impostos e taxas para financiar a sua assistência generalizada.

Portanto endividam-se, vivem a crédito. Mas os seus filhos não poderão pagar 'a conta'.

Os europeus destruíram, assim, a sua qualidade de vida empobrecendo.
Votam orçamentos sempre deficitários. Estão asfixiados pela dívida e não poderão honrá-la.

Mas, para além de se endividar, têm outro vício: os seus governos 'sangram' os contribuintes. A Europa detém o recorde mundial da pressão fiscal. É um verdadeiro 'inferno fiscal' para aqueles que criam riqueza.

Não compreenderam que não se produz riqueza dividindo e partilhando mas sim trabalhando. Porque quanto mais se reparte esta riqueza limitada menos há para cada um. Aqueles que produzem e criam empregos são punidos por impostos e taxas e aqueles que não trabalham são encorajados por ajudas. É uma inversão de valores.

Portanto o seu sistema é perverso e vai implodir por esgotamento e sufocação. A deslocalização da sua capacidade produtiva provoca o
abaixamento do seu nível de vida e o aumento do... da China!

Dentro de uma ou duas gerações 'nós' (os chineses) iremos ultrapassá-los. Eles tornar-se-ão os nossos pobres. Dar-lhes-emos sacas de arroz...

Existe um outro cancro na Europa: existem funcionários a mais, um emprego em cada cinco. Estes funcionários são sedentos de dinheiro público, são de uma grande ineficácia, querem trabalhar o menos possível e apesar das inúmeras vantagens e direitos sociais, estão muitas vezes em greve. Mas os decisores acham que vale mais um funcionário ineficaz do que um desempregado...

Vão (os europeus) direitos a um muro e a alta velocidade...

“ Entrevista de um professor chinês de economia, sobre a Europa, o Prof. Kuing Yaman que viveu em França”

12 comentários:

Ana disse...
Este comentário foi removido pelo autor.
Ana disse...
Este comentário foi removido pelo autor.
Ana disse...

L que ye que pretende, Leonardo?
Que haba alguien que diga que ten rezon esse porsor de eiconomie chinés?
Ye ampossible!
Esse testo ye abjecto i nun ten la menor credibilidade. Porquei? Mas pul simpres facto de la China ser ne ls dies d’hoije i hai yá muitos anhos agora anfeliçmente, cumo todos sabemos mui bien, un stado totalitairo, ua ditadura que nun respeita ls dreitos houmanos i manda calhar quaije un bilion i meio de habitantes de l planeta. Nun bonda? Inda quieren smagar mais giente ls atuales dirigientes desse paíç?
Até m’admira, Leonardo, que nun téngades tamien dado un grande grito de rebuolta quando l traduzistes l testo esse!
Mas la cunsequéncia que puoden tener testos cumo este assi i todo ye que só mos puoden ancentibar inda mais a pensar dues bezes an beç dua quando stamos prontos a mercar cousas feitas na China, nun acha? Para quei? teneremos que pensar cada beç mais. Para dar rezon a ciertos nuobos capitalistas de l’eiconomie chinesa (ou a todos eilhes ?) capazes de cortar la cabeça a todos ls democratas i pobos lhibres de l mundo, cumo deixa a antender afinal un testo cumo esse?
La nuossa anteligéncia cunsiste an reagir mas sien perder tiempo cun testos i cunsideraçones cumo essas que nun lhieban a lhado ningun.
I mais nada porque bien sabemos, sien que naide mos benga a dar liçones tan abjectas, l que ye trabalhar i melhor inda que naide,
se fur neçairo !

Cumprimentos

leonardo antao disse...
Este comentário foi removido pelo autor.
leonardo antao disse...

Buonas nuites Ana,

L que pretendi fui lhançar l tema para çcusson i serbir de liçon.

De la brebe troca d'ampressones que tube cun alguns amigos, subre este testo, l Prof. Kuing Yaman fizo un amportante diagnóstico de la sociadade ouropeia.
Nun ye berdade que:
- Muitas andustrias se stan la çlocalizar, pa la China?
- Muitas famílias se andebidan i biben la crédito?
- Bários países stan asfixiados pula díbeda? I ls sous gobiernos 'sangran' ls cuntribuintes?

Nun acradito nalgumas cousas, nomeadamente que l sistema ouropeu bai amplodir por sgotamiento i sufocaçon, porque la Ouropa cuntina a ser lhíder mundial an muitas árias tecnológicas, nas tecnologies eimergentes (de quemunicaçones, de defesa…), na ambestigaçon i zambolbimiento, na inobaçon i na defesa de ls dreitos houmanos.

Bós Ana, dezis ua grande berdade “la China ser ne ls dies d’hoije i hai yá muitos anhos agora anfeliçmente, cumo todos sabemos mui bien, un stado totalitairo, ua ditadura que nun respeita ls dreitos houmanos i manda calhar quaije un belion i meio d'habitantes de l planeta” Estes abusos de ls dreitos houmanos i la falta de lhibardade de spresson pónen an causa la credibelidade i la fuorça moral de ls chineses para ultrapassar ls ouropeus.

Tenendo an cunsidraçon esta biolaçon de ls Dreitos fundamentales de la cundiçon houmana:
- “Nun eiran (ls chineses) dreitos a un muro i l'alta belocidade ?
- “Tenemos de pensar dues bezes an beç dua quando stamos prontos a mercar cousas feitas na China”? (cumo bós bien bos anterrogais Ana).

Todo esto ye mui preocupante para nós ls ouropeus, pul que ye siempre buono “perder tiempo cun coberteiras i cunsideraçones cumo estas” para çcusson, i serbir de liçon.

Recibe mais un abraço de,
Leonardo

Fir disse...

Boa noite, Leonardo e Ana.

Eu não concordo com a maior parte do texto. E até acho que o Leonardo não precisava de ter escrito qual era a profissão do autor. São tantas as falácias para tão pouco texto, que só podiam ser frases de um economista!

Concordo que os governos sangram os contribuintes, mas até isso é apenas meia verdade. Por um lado, há impostos para tudo e mais alguma coisa para as PME (muito antes de darem lucro ou de terem a existência oficializada, já pagam impostos e não são poucos) e para quem trabalha por contra de outrem, mas os bancos e as grandes empresas não pagam impostos. E deviam pagar!

Também é verdade que as pessoas se endividaram e que temos para aí muita gente a viver acima das nossas posses.

De resto, há aqui coisas que são no mínimo chocantes. Então, os europeus não querem trabalhar? O Leonardo não quer trabalhar? Eu não quero trabalhar? Por amor de Deus!

Não se produz riqueza partilhando? Mas a única forma de criar riqueza de forma consistente é criá-la e distribuí-la.

E essa história de pagarem a quem não trabalha é um hino à demagogia! Faz-me lembrar as pessoas que dizem que há desempregados por causa do subsídio de desemprego! Tenham dó!

A situação da China, como muito bem disse a Ana, é um atentado aos Direitos Humanos. Dizem que a economia chinesa está a crescer, mas a verdade é que a esmagadora maioria dos chineses continua pobre.

Se a Europa está em "decadência", é por não defender os seus valores. Porque há por aí muitos economistas neoliberais que defendem que devemos imitar a China e procurar um modo de desenvolvimento que assenta em salários baixos e ausência de direitos laborais. O que se devia fazer era exactamente o contrário. Primeiro, devíamos boicotar economicamente a China e todos os países onde não se respeitam os direitos humanos.

Depois, devíamos apostar no desenvolvimento de economias locais que nos tornassem menos dependentes da compra de produtos ao estrangeiro. Devemos também apostar na estabilidade laboral, como forma de promover o consumo e desenvolver a economia.

Quanto ao resto, confesso-lhe, Leonardo, que quando vi que o título do texto é "Ls Ouropeu Ban…", pensei logo num certo sítio para onde esse economista chinês devia ir. E quantos a esses sacos de arroz que ele diz que vai oferecer aos europeus, também pensei num certo sítio onde ele os pode enfiar.

Mas pronto, não vale a pena irmos por aí.

Um abraço,
Fir

leonardo antao disse...

Buonas nuites Fir,

Acho antressante este buosso comentairo, i mais l serie se fusse na nuossa querida lhéngua mirandesa, mesmo cun erros de scrita, cumo ye l miu causo. Anté ne l títalo deste testo me squeci de poner l “s” ne ls ouropeus.

Cuncordo cun bós “son tantas las falácias para tan pouco testo, que solo podien ser frases dun eiquenomista!”, (mas ls eiquenomistas nun dében gustar).

Gustei muito destes buossos guapos cachicos “ ls ouropeus quieren trabalhar” …”porduç-se mais riqueza partilhando” … “Se la Ouropa stá an "decadéncia", ye por nun defender ls sous balores”,…” debíamos boicotar eiquenomicamente la China i todos ls países adonde nun se respeitan ls dreitos houmanos”… i, mui amportante, “debíamos apostar ne l zambolbimiento d'eiquenomies lhocales que ne ls tornassen menos dependentes de la cumpra de perdutos al strangeiro”.

Al falarmos de ls dreitos houmanos, debemos relembrar que son cunquistas de ls pobos pula lhibardade de spresson i por melhores cundiçones de bida. Por estas cunquistas l mundo árabe, an special ls Libios, stan a bibir momientos defíceles.

Nun poderá este fenónemo repercutir-se ne l mundo asiático, nomeadamente na China?

A miu ber, l mundo ye melhor cun dreitos houmanos i lhibardade de spresson, do que cun zambolbimiento eiquenómico i represson (cumo la de Tiananmen).

Agradeço-bos Fir este buosso antressante comentairo.

Un abraço amigo,
Leonardo

Adelaide Monteiro disse...

Yá baliu la pena benir eiqui esse texto dun eiconomista dun paíç an que to ls dies nácen milhonários i muorren trabalhadores de fome.
Digo, baliu la pena, por poder ler ler ls quementários de quien bei l mundo i la sociedade por outra lente.
Se cuntinarmos a alimentar essas indústrias cun las nuossas scuolhas de compra, será assi.
La decison ye nuossa.

Mas agora pregunto:
Todos ls consumidores stán anformados i cuncencializados?

Ténen ls consumidores poder de compra para se dáren al luxo de mercar mais caro ne l soto al lhado?

La decison afinal nun ye solo nuossa...

Fir,

You sei que l que bén de andrento, sal na lhéngua de sue outentecidade i, neste causo, l pertués. Ye siempre custoso dezir l que sentimos nua lhéngua que nun dominamos.
Bien haias.

Beisicos

leonardo antao disse...
Este comentário foi removido pelo autor.
leonardo antao disse...

Buonas nuites Adelaide,

Na purmeira frase caraterizestes bien la China “ paíç an que to ls dies nácen milhonairos i muorren trabalhadores de fame”.

Las buossas preguntas son antressantes.
A mie parece-me que ls cunsumidores stán anformados i cuncencializados, i que yé cumo cunsequéncia de l'atual crise eiquenómica, de la diminuiçon de las poupanças de las famílias i de se sentiren cada beç mais probes, que ten oumentado la percura als perdutos (baratos) de las lhoijas de ls chineses. Rezon pula qual ténen benido a abrir cada beç mais lhoijas de chineses pul nuosso Paíç fura.

Alguns cunsumidores nun ténen poder de cumpra para se dáren al lhuxo de mercar mais caro ne l soto al lhado, cunsequéncia de políticas erradas, qu'ouriginórun oumiento seneficatibo de l zamprego, de la pobreza i de las zeigualdades sociales cun l alhargamiento de l fosso antre ls mui bien pagos i ls menos bien pagos.

Cun este anquietante oumiento de la zeigualdade social i de la probeza, nun me admiro ber oumentar la cumpra de perdutos chineses, anque muitos saberen que la China ye un paíç cun sistema político outoritairo, cujo zambolbimiento eiquenómico stá a gerar grabes porblemas ambientales para todo l mundo.

Agradeço-bos Adelaide este buosso antressante comentairo.

Beisicos
Leonardo

Fir disse...

Buonas nuites.

Desta beç, bou intentar escrebir l miu comentairo an mirandés.

1) Leonardo, dezis que "l mundo ye melhor cun dreitos houmanos i lhibardade de spresson, do que cun zambolbimiento eiquenómico i represson (cumo la de Tiananmen)".

Teneis, an parte, rezon, mas you nun acho que seia possible dezir-se que hai "zambolbimiento eiquenómico" quando hai represson. La grande maioria de ls economistas solo olha para númaros i, por esso, dizen que hai zambolbimiento eiquenómico. Mas, para mí, solo hai berdadeiramente zambolbimiento eiquenómico, quando ls probes deixan de ser probes. Portanto, para mí, nun hai zambolbimiento eiquenómico an ningun paiç de l mundo.

2) You creio que ye deber de la Union Ouropeia boicotar ls produtos de la China i de outros paises que nun respeitán ls dreitos houmanos. Se la Union Ouropeia fazísse esso, las çlocalizaçones deixarian de eisistir. L porblema ye que tanto ls gobernos cumo la Union Ouropeia son comandadas por uns quantos capitalistas que ténen anteresses na China i tamien quieren oubrigar-nos a abdicar de ls dreitos que tenemos.

Abraço,

Fir

leonardo antao disse...

Buonas nuites Fir,

Parabienes por teneredes aceitado l miu zafio de screbir an lhéngua mirandesa, i screbiste mui bien.

Acho ancantador este cachico de l buosso comentairo “solo hai berdadeiramente zambolbimiento eiquenómico, quando ls probes deixan de ser probes”. Cuncordo, porque, para mi, l capital houmano ye l percipal i mui mais amportante de l que tener muitos capitalistas, eicelentes stradas, eidifícios, carros lhuxuosímos,(tipo Dubai).
Mas ls políticos i eiquenomistas nun pensan assi. Para eilhes, hai zambolbimiento eiquenómico quando hai muito denheiro a circular nas manos d'alguns, que biben “a la grande i a la francesa” i ó outros que se ….

Tamien stou d'acuordo que “nun hai zambolbimiento eiquenómico quando hai represson”, porque la represson, an si mesma, yá ye ua forma de pobreza (i grande).

Cuncordo tamien “que ye deber de la Union Ouropeia boicotar ls perdutos de la China i d'outros paises que nun respeitán ls dreitos houmanos”. Eiqui ye que stá l carcanhal de Aquiles “ls gobernos cumo la Union Ouropeia son comandadas por uns quantos capitalistas que ténen anterisses na China”.

Aprobeito para bos relhambrar outra cousa, ye qu'un de ls maiores zafios de la Ouropa ye l'ambelhecimiento de la sue populaçon, probocado pul oumiento de la sperança de bida, i la diminuiçon de la taxa de natalidade, que proboca la diminuiçon de l númaro de moços. Cunsequéncia, ls capitalistas çlocan las ampresas para países cumo la China, la Índia … adonde a mano d'obra ye mui mais barata, porque ls dreitos de ls trabalhadores son mínimos i nun son respeitados, trabalhan cumo scrabos.

L zafio moral que debe ser de todos nós ye oubrigar ls países a respeitar ls Dreitos de l Home i la cuntribuiren para diminuir l zamprego, las zeigualdades sociales i la pobreza. Aceitaremos l zafio?

Ua beç mais agradeço-bos Fir este buosso antressante comentairo.

Un abraço amigo,
Leonardo