05/02/11

DEBATE SOBRE A LÍNGUA MIRANDESA EM PARIS

.
MIRANDÉS
.
.
La Fundaçon Gulbenkian lebou a cabo, ne l passado die 3, un antressante debate an torno de la lhéngua mirandesa. L Mirandés ye ua lhéngua (de raíç ásturo-leonesa) falada an árias de ls cunceilhos de Miranda de l Douro i de Bumioso, por alguns miles de pessonas. Durante muitos anhos, nun tubo forma scrita, sendo un modo de spresson nas famílhias i antre cidadanos de l meio rural.
L'outor dun libro subre l tema, publicado an Fráncia, "Le Pertual bilingue", Michel Cahen, acumpanhado puls porsores José Meirinhos i Maria Benedita Basto, fizo ua apersentaçon subre las peculiaridades daqueilha que ye la segunda lhéngua oufecial de Pertual, de ls riscos que la sue subrebibéncia cuorre i de ls sfuorços que ténen sido feitos pa la promober, cumo un fator d'ourgulhosa singularidade dua micro-region. Antre outros aspetos, fui curjidoso ber sublinhado pul porsor José Meirinhos l fato de l Mirandés nunca tener sido oubjeto de "apropiaçon" política ó regionalista, situaçon mui quemun an lhénguas minoritárias.
Nun deixa de ser de çtacar qu'alguas dezenas de pessonas se téngan mobelizado, ne l final de tarde, an Paris, para se zlocáren a la Gulbenkian, para assistíren a este debate. Antre essas pessonas cuntaba-se, hai que dizir-lo, l'ambaixador de Pertual, que ye tan strasmuntano cumo l própio Mirandés.

http://duas-ou-tres.blogspot.com/2011/02/mirandes.html#ixzz1D89gqckC

1 comentário:

Tiégui disse...

Huy ! Catanu :(( Que perdie dalgu :(((
Ya li'l llibru fai dous añus y tenie n'eideya d'ir a Rennes pr'antervista'l pursor... so que'l tiêmpu fui-se passandu cu'l diañu la téze y nunca me dou pra fazer issu.

Ya habie you puôstu la capa'l llibru ende :) : http://frolesmirandesas.blogspot.com/2009/07/cest-comme-le-porsalu.html

Mas al llibru ya sta un poucu zatualizadu. Pus diç que nun hai llaçus antre mirandéses y sturianus. L que yê falsu purque Duarte cadañu arrecibe alunus sturianus an Miranda. Y you tamiên tengu cuntatus alla zde 2007 cun Inaciu Galan que yê apersentador ne la TPA ou Nicolas Vaquero que yê screbidor. An llion tamiên tenemus cuntatus y nun son poucus.

Habie ua llionesa que tenie'l purjetu de fazer un antercambiu antre lus dançadores dal sou llugar y lus de Miranda. Mas al fin al cabu nun dou pur falta de deñeiru. Mas you achu qu'un die si dara pra fazer.

"Antre outros aspetos, fui curjidoso ber sublinhado pul porsor José Meirinhos l fato de l Mirandés nunca tener sido oubjeto de "apropiaçon" política ó regionalista, situaçon mui quemun an lhénguas minoritárias."

Si pus yê mui curiosu purque tamiên houbu eideyas nacionalistas an Miranda, anté'l llibru fala d'issu !!! (Hai que lu ler antes de falar hahaha)...
Buonu trata-se dal PLPM que serie eideyas d'un grupu eiseladu purque nunca vi an Miranda d'algu parcidu cume nal Peis Bascu : Gorra ETA militari ! Gorra ETA militari ! cume se buziaba nals añus 90 pur Donosti, Bilbo, Gazteis y tal.

Pur'an quantu y no l PLPM inda ten site : http://partidu.no.sapo.pt/

Anton eisiste issu ou no ?

Abraçu