10/02/11

L Fantástico Mundo de Amável Antão

.
.

L Museu de Lamego einougurou la sposiçon "O Fantástico Mundo de Amável Antão".
Amável Antão, artesano de la cidade de Bergáncia [natural de Zenízio], assistente-técnico de l Museu Abade de Baçal, ten benido a ajuntar sposiçones i prémios zde 2005, sendo hoije coincido i recoincido cumo un ardeiro i cuntinador de la grande tradiçon de ls artersanos de Trás ls Montes i Alto Douro.
Nun folheto que se fizo para ua sposiçon que el fizo an 2009, Georgina Pessoa scribe l seguinte: "De ls bielhos tuoros yá carunchosos i çformes, nácen figuras stranhas cun grandes poçacos ne ls uolhos arrincados i grandes bocas que amóstran, a modo arremedo, la lhéngua ou ls dientes. Seres eimaginairos, cun bárias cabeças ou chenos de queluobras i lhagartos, mui bien reambentados i talhados pula sensebilidade i mestrie de l artesano".
Para quien quejir ler ne l sítio de l Anstituto de ls Museus, baia

- O Fantástico Mundo de Amável Antão

.
.

2 comentários:

leonardo antao disse...

Buonas nuites amigo Amável,

Ye ua honra i ourgulho, para nós ls zenesienses i “Antãos” tenermos un cunterráneo eicelente artesano, “ recoincido cumo un ardeiro i cuntinador de la grande tradiçon de ls artersanos de Trás ls Montes i Alto Douro”.

Gustei muito de ler la buossa amportante anterbista publicada ne l jornal Nordeste (de 8 Febereiro), que sierbe para dibulgar l grande progresso que teneis feito na bida, la forma cumo “subistes a pulso” i las buossas eicelentes culidade pessonales.

Georgina Pessoa carateriza mui bien l buosso trabalho ne l testo que screbiu "De ls bielhos tuoros yá carunchosos i çformes, nácen figuras stranhas… seres eimaginairos, …mui bien reambentados i talhados pula sensebelidade i mestrie de l'artesano".

Quien cunsulte l buosso blogue berifica qu'esto ye berdade, que sodes un artesano, mui abelhidoso i cun muita eimaginaçon que sabeis dar bida i beleza a un qualquier palo.

Parabienes Amável i las maiores felcidades para esta sposiçon ne l Museu de Lamego.

Un arrochado abraço,
Leonardo

franciscobelharino disse...

Buonos dies Amável,

Parabienes por mais esta tu spociçon i, desta beç ne l Museu de Lhamiego. Isto ye l recoincimiento de la culidade de la tue obra puls antandidos.
Zenízio ten que star cheno de proua por tener pessonas que se ban çtacando nas artes i na scrita.
Un abraço,
Francisco Domingues