08/07/10

An lunjuras

Hai ua barranca
Puls tremores de ls passos
Nun la puodo passar.

Hai ua aranheira
Que nun me deixa ber
Pul túrbio de l mirar.

Hai ua jinela cerrada
Adonde nun spreito
Por nun se çfechar.

Abre-te jinela
I rasga la cortina
Para que me béngan oulores
De palabras frescas!

Alharga-te jinela
Scacha las bidraças
Para que se me streformen
Las lunjuras, acerca!


2 comentários:

ACangueiro disse...

nun rasgues cortinas i scaches bidraças que ls bidros podan t'acertar, deixa la aranheira un sou telar; yé sinal de fortuna.

beisos,

ac

Adelaide Monteiro disse...

Fertuna ye nun tener aranheiras ne ls uolhos...
Ls bidros de la jinela son anti-scadarça; de las cortinas nun gusto por nun deixáren ber l cielo.

BS

A.