La guerra!… aqueilha guerra!...», dezie Américo a falar cun el própio. Todo le habie roubado. Purmeiro, l filho que era murgado. Depuis, la mulhier, que nun resistiu a tanto sufrimiento. El pormetiu a el mesmo que se habie de bingar. Atentou, benindo pa la rue a pedir justícia, mas l que ganhou fúrun uas nuites ne l calhabouço de la PIDE para anterrogaçones. Baliu-le na altura un home alto, mui bien bestido, que nunca coinciu, que lo mandou sultar. Hoije serie cunsiderado un preso político ou, quien sabe, nun serie nada…
- Adonde bás, dezie-le, armano?
- Bou-me até l’África, a Angola, ancuntrar-me cul miu filho.
A Américo nun le quedaba mais nada que aquel delor mui fondo de haber quedado solo, cun un filho muorto naqueilha guerra. Para que se podisse morrer an paç tenie que ir al sítio adonde stubira l filho pula redadeira beç. Era a modo ua çpedida. Para el era amportante. Se calha assi podie çcansar. Aquel queixon que le habien antregue i que el nun podira abrir, para tener la certeza que era l filho que iba a anterrar, nun assossegaba este pai.
Bolbidos dous meses, l armano recibe ua carta del a dezir-le que nun sabie quando tornarie. Nun houbo mais correspundéncia. Américo nun conseguiu deixar aqueilhes lhugares. Eili sentie-se mais acerca de l filho.
Válter Deusdado
5 comentários:
Buonas tardes Válter,
Quantos pais nun anterrórun assi ls sous filhos sien tener la certeza que éran eilhes que stában andrento de l caixon. Tiempos malos que fazírun sufrer muitos pais,ties,filhos i armanos. La stória nun puode squecer i eignorar estes 14/15 anhos de guerra que solo causórun sufrimiento.
Un abraço,
Francisco
Buonas tardes
I inda dizen que l home ye un ser cun antelgéncia! Se assi fura, la palabra guerra solo se escrebie an lhibros de stória.
Abraço
"GUERRA"
Nunca gostei de la palabra “guerra” porque tube colegas de Liceu que me ansultoran quando cuncorri para la Academia Militar, a preparar-me para la guerra i, mais tarde, alguns dei-lhes, acumpanhei-los nua caixica “sien tener la certeza que éran eilhes que stában andrento” cuomo dixe Francisco.
Ye deloroso screbir suobre este tema, mas nun podemos çquecer que fui ne l Ultramar, ne ls descobrimientos de Angola, Moçambique, Guiné, etc., que nós ls Pertueses ancuontremos l melhor apoio i la melhor afirmaçon histórica para ua andependência de la Europa.
Apesar de nun gostar de la palabra guerra, gostei de este tou testo Valter.
Cuntinua a screbir suobre ls filhos muortos naqueilha guerra i cuontribuirás para houmenagear todos ls que prestoran serbiço no Ultramar.
Un abraço
Leonardo
Buonas tardes amigo Válter
Dei-me cuonta que nien to l mundo ye capaç de negar la guerra que tantos tius cumo tui "Américo" (de la cuonta) oudéian.
Nun chega dezir que nun se gusta de la palabra guerra, hai que dua beç por todas negar la guerra, un star agarrado al dantes para se firmar cumo grande ye ser pequeinho l tiempo. Negar la guerra i deber que s'ámpon a las pessonas de bien i sabidas.
Duole ber l mundo caminar ne l zambolbimiento i na ciénca, i star antregue a quien solo bei la guerra cumo salida. Que amporta ser coincido ou çcoincido, se l que bai nun caixon ye un ser houmano que tombou porque alguien inda nun tenie tirado las arranheiras, staba ciego i nun sabie l balor de la hibardade!
Un abraço
Enviar um comentário