Retrato de C. Ferreira [roubei-se-lo an La Jinela www.sendim.net]Quando l sangre de papoulas subirte
ls soles que s'acénden ne ls pimpilros:
l cielo queda cinza las oulibeiras
alhínan-se an ancuolhas de selombra
boubo baláncia l redondo de ls cabeços
i nin a la quelor s'achégan pintores;
ye aquel tiempo an que la tierra suda
berde altar donde bende sous milagres:
nunca sudor le bundou cumo moneda
siempre sue fame apledia por burmeilho:
cuntina-se la prainada i lhieba ls uolhos nun
s'assome a las froles donde medra l zerto.
Fracisco Niebro
ls soles que s'acénden ne ls pimpilros:
l cielo queda cinza las oulibeiras
alhínan-se an ancuolhas de selombra
boubo baláncia l redondo de ls cabeços
i nin a la quelor s'achégan pintores;
ye aquel tiempo an que la tierra suda
berde altar donde bende sous milagres:
nunca sudor le bundou cumo moneda
siempre sue fame apledia por burmeilho:
cuntina-se la prainada i lhieba ls uolhos nun
s'assome a las froles donde medra l zerto.
Fracisco Niebro
1 comentário:
Ye de cuonserbar este questume de cuontemplar ls ancantos de las nuossas tierras que nesta parte de l anho "sudan berdes altares donde bendan ls sous milagres" de regeneraçon de la bida multiquelorida, que a mie me ancanta i me dá buontade de fugir de la poluiçon desta grande Lisboua i de buoltar a bibir ne l campo, adonde mos ancuontramos cun las berdadeiras belezas de l mundo i cun la berdadeira paç de l nuosso coraçon.
Enviar um comentário