Porque la memória ye un bien que cria lhaços, arrima-mos al passado para que l puodamos cumprender i assi séiamos capazes de traçar sucadas firmes adreitos al feturo, stamos eiqui hoije c’ua eideia: lhembrar aqueilhes que na guerra d’África, ou por bias deilha, quedoran nuossos anjos de la guarda antre praineiras i ourrietas, caleijas i caminos antre l passado que somos i l caminar q'eilhes mos dórun.
Tentaremos lhembrar cada un sien mirar a mas nada que l nome, porque als nuossos uolhos son tan solo filhos dal Praino, l lhugar adonde nacírun i l die que deixórun de mos ber. Será neste die que, cume diç l mestre, “se nun houbir mal ou muorte” chamaremos por eilhes steian adonde stebíren para que al menos nesse cachico mos fágan cumpanha.
Las ambestigaçones lhebórun-mos als nomes que amostramos eiqui, mas se por un acauso algun nun fur lomeado, bós nun deixareis naide squecido i cuidareis de mos l relhembrar.
Tentaremos lhembrar cada un sien mirar a mas nada que l nome, porque als nuossos uolhos son tan solo filhos dal Praino, l lhugar adonde nacírun i l die que deixórun de mos ber. Será neste die que, cume diç l mestre, “se nun houbir mal ou muorte” chamaremos por eilhes steian adonde stebíren para que al menos nesse cachico mos fágan cumpanha.
Las ambestigaçones lhebórun-mos als nomes que amostramos eiqui, mas se por un acauso algun nun fur lomeado, bós nun deixareis naide squecido i cuidareis de mos l relhembrar.
6 comentários:
José Maria Morgado era de Sendin i nó de Picuote.
Era de l miu anho i fui perciso ua guerra para mos lhebar l purmeiro.
Para el queda la lhembrancia de la malta de 1945.
Un abraço
Amendra
Buonos dies
Dius bos l pague por la anformaçón que será debidamente demudada. I quanto a José Maria Morgado ai inda outra dubeda que para nós nun fai muita amportança desde que la persona seia lhembrada: falheciu an 18-03-67 ou an 07-07-1970?
Por outro lhado aporbeito para pedir a algua persona de Malhadas que faga l fabor de cunfirmar l nome Emídio Augusto Pires que se apresenta assi cume la data de l falhecimiento. Neste causo l nome aparece nalguns decumientos e noutros l nome nun cundiç.
Oubrigado
Un abraço
Buonas tardes,
Parabienes, á Abelhon por mos lhembrares todos esses rapazes i pula ambestigaçon que faziste.
Bien merécen ser lhembrados, para que la guerra nunca acá torne. Lhembrar ls males de la guerra ye un modo de trabalhar pula paç.
Quanto al rapaç de Sendin, José Maria Morgado, you cuido que será de 1967, mas mas bou a anformar-me melhor i Almendra saberá melhor que naide.
Un abraço i cuntina,
Amadeu
L miu praça, morriu an cumbate, an Moeda - Moçambique, an 18-03-1967.
Un abraço
Almendra
Oubrigado tiu Almendra.
Essa tamien ye la data que podemos ouserbar na Liga de ls Cumbatientes.
Berdade repuosta.
Un abraço
Enviar um comentário