13/06/08

Feriado?

13 de Júnio ye, cumo se sabe, feriado an alguns cunceilhos de l paiç, antre ls quales Lisboua. Por essa rezon, la CP i la RL decidírun tirar alguns camboios i carreiras que ándan, en alguns causos, muito loinge de Lisboua.
La splicaçon an las belheteiras ye siempre la miesma: hoije, hai menos camboios, porque ye feriado. I ls clientes respónden, cun rezon, "para mi, nun ye feriado".
Se hai ampresas que deberien de tratar un feriado lhocal cumo un die útele, son las ampresas de trasportes. Mas eilhes nun antenden assi. Talbeç porque nun quérgan pagar ls sous apregados a précio de feriado.
Mete-me rábia que alguas pessonas pénsen que l paiç ye Lisboua. I you gusto muito de Lisboua.

2 comentários:

Amadeu disse...

Buonas nuites Faustino,

Nun sei se seran solo algues pessonas que pénsan que l paiç ye Lisboua. Mas si ye berdade que l mais de las pessonas se pórtan cumo se assi fura i todo l poder se cumporta assi. I esso apuis na prática ye un porblema mui grande: l cuorpo (paiç) ten ua cabeça tan grande que nun la aguanta.

Un abraço,
Amadeu

Fir disse...

Olá, Amadeu.
Eu conheço pessoas que acham que Lisboa é outro país (a cada maluco, a sua pancada).
Quanto ao poder, acho que está mais preocupado com Bruxelas do que com Lisboa.
Mas o ridículo é não poder apanhar um comboio de Sintra para Vila Franca de Xira, só porque é feriado em Lx.
Um abraço.