14/04/10

LA BIDA YE MARABILHOSA

..
...Delaide pediu un nieto, ende stá...

LA BIDA YE MARABILHOSA
.


.. José Maria


Tener un puial adonde un se sentar, tierra por adonde spairecer la bista, lhembráncias de las raízes que mos dórun bida, bida de cada die cun alegries i sofrimentos, ye marabilhoso, mas a cada un son dadas las sues ferramientas i ye cun eilhas que debe fazer l sou camino. Muitas bezes bemos l trabalho ser çtruido por tormientas i parece que nun somos capazes de l’acabar. Ampeçamos outra i outra beç i acabamos por nien sequiera saber que trabalho mos destinórun ou que trabalho habemos de fazer. Mas cumo dezie Jesus: "Mirai ls lírios de l campo; eilhes nun trabálhan nin técen; inda assi you bos digo: mesmo Salomon, an to la sue glória, nun se bestiu cumo un deilhes". (Eibangelho segundo San Matheus)
Tamien you nun precisei de trabalhar ou tecer muito para recebir ua frol tan linda cumo ye l miu nieto, que a partir d’hoije ye mais ua frol deste jardin. Naciu die 1 de Abril. Quando a la ua i meia de la manhana recebi la mensage cul retrato, inda me parecie mintira, mas afinal tengo rezon quando digo que la bida ye marabilhosa.

6 comentários:

Abelhon disse...

Á que prouisto:)
Abraço

Adelaide Monteiro disse...

Carai Almendra que baliente stá!
You pensei que stabas cumo you, inda sien te strenares cun nietos...
Parabienes i que haba suorte i salude para todos.

Bs

A.

ACangueiro disse...

Lírios, rosas, froles, muitas froles, de l campo, de la cidade, muita proua i salude,

abraço,

acangueiro

faustino.antao disse...

Oulá amigo Almendra

-Que guapa frol.

-Ls mius parabienes, todo l que hai de melhor neste mundo para el i demais familiares son ls mius deseios i de la mie tie

- Que proua you beio, mas quando se ten por estas rezones tan nobres nun fai mal

Un abraço
Faustino

franciscobelharino disse...

Buonos dies Almendra,

Parabienes por essa frol tan guapa. You tamien tengo dues froles mui guapas un Fracisco i ua Einés, son mielgos, yá ténen 11 meses i stan mui balientes. Mais ua beç parabienes i muita suorte pa ls criar.
Un abraço,

Francisco Domingues

Unknown disse...

Ye bien berdade Abelhon, la giente cuida que nó, mas tener un nieto ye ua proua bien grande. Bien haias.
Delaide you solo l'amostrei para te fazer crecer auga na boca :)). Un beisico i que debrebe tengas un.
Antonho, yá l cumprei ua gorra cumo la tue, un abraço.
Faustino, bien haias i un abraço para ti i la tue tie.
Sabes ua cousa Fracisco, you bien querie mielgos, porque you tamien sou, mas todo ye buono. Muita salude i grácia para Fracisco i Einés. Un abraço

Almendra