21/04/10

Anestesiantes





Houbo un tiempo
an que me lhembraba de todo
ou quaije de todo
cumo desse tiempo de la mie anfáncia…

I chobie…
I fazie sol…

Mas chegou l die…
Guiana, Caiena, Amazónia,
Charles-Marie de la Condamine… !
i las frechas anestesiantes alhá stában
para squecer todo
até esse tiempo de la mie anfáncia…

Agora ye preciso ber
se ye possible sanar
p’ra me lhembrar outra beç
i talbeç inda melhor…

quando chobie…
quando fazie sol…

5 comentários:

Almendra disse...

Prima Ana,
Antes de mais, claro que bai a ser possible sanar, porque para esso hai que tener fuorça i mesmo que a ti te benga a faltar algue, eiqui stamos todos para te dar la que faltar.
Quedei cuntento de te ber aparecer l que solo amostra que sós mesmo ua frol deste jardin i cumo todas, na primabera siempre aparécen.

Beisicos

Almendra

Ana disse...

Caro Primo José Almendra,

Onte nun dei notícias porque só hoije tube tiempo de benir a ber l site i fui cun muita satisfaçon que li l sou comentairo.
Quedo mui sentida cula marca de reconforto que me dá i que siempre faç bien a todos quando sentimos por acaso que a dada altura mos falta ua cierta einergie a que dantes stábamos antretanto aquestumados.
I ye berdade que ye l que se stá a passar inda comigo depuis dua ouperaçon a que tube que me sujeitar bai a fazer agora antretanto un més... Mas tenerei que fazer cumo muitos tamien fázen: ser paciente, sperar que l cuorpo recupere dando tiempo al tiempo i aceitando tamien adiar para quando fur possible i houbir melhores cundiçones ciertos projetos ou trabalhos que haberiemos gostado antretanto realizar, ou ajudar a realizar.

Ua frol mesmo guapa i sien dúbeda tamien querida i deseada, aprobeito tamien para le dezir, Primo Zé, que aceitou de mos amostrar hai dies neste site, ye esse sou purmeiro netico que bai, percipalmente a bós ls pais i ls abós, anchir-bos a todos esta Primabera de amor i de alegrie. I depuis desta, mais outras i nuobas Primaberas, i siempre cun salude que ye l melhor que mos podemos desear a todos ! Desso tamien nun podemos tener dúbedas.

Muitas felcidades i abraços por cunseguinte i para todos.

Ana Maria.

Adelaide Monteiro disse...

Ana,

Deseio que recuperes debrebe dessa ouparaçon i que tamien debrebe l tou cuorpo torne a tener la einergie que questuma tener.

Un beisico,

Adelaide

Ana disse...

Buonas nuites Amiga Delaide,

Bien haia tamien por estas sues palabras que son cumo todas essas flores que nesta Primabera mos ínchen l coraçon de alegrie i de felcidade.

Cun tanta amizade l amportante ye saber tamien partilhar para dar siempre que fur neçairo un pouco de einergie para todos aqueilhes que precísan.

Un abraço sincero tamien para bós, Adelaide.

Ana

Ana disse...

... amisade... !