Passo a passo

Passo a passo te camino
Passo a passo bou adelantre
Passo a passo me demoro
Nun passo que you abante

Passo a passo...
Passo a passo bou andando
Cun ls passos yá andebles
An dies que me bán bolando

Passo a passo mui pesado
I l loinje se fizo a la puorta
Neste camino nun andado
Adonde la cozina ye la huorta

Passo a passo, un passo dado
I dezi-lo nun registo
Cun l passo tan apressiado
Cumo ye que cheguei a isto?!

Tu chegueste i chegou l tiempo
D´alhá al para acá
Mas se eiqui yá tu chegueste
Ye porque l tiempo, passos te dá...