18/02/13

Mirares por lunjuras



Striba les carrielhos na mano
Para que nun se znóquen de spanto
Anquanto l tou mirar bagamundeia
An hourizontes nebados
Dua sierra a parecer cielo de niebe
I un cielo a parecer sierra anubrada


Ye loinge l mirar
Al modo que l pensar se te scapa
Por antre l ressumar de ls çanceinhos
Que hán-de trazer merujas berdes
Nas ougueiras de la tue alma

Sem comentários: