CUNFISSON

 HÉNGUA MIRANDESA
1

You pecadora me cunfesso

A Dius todo poderoso

Por m´ajudar a passar

Todo este tiempo amargoso.

2

You pecadora me cunfesso

I nien chequier tengo pecados

Mas cunfesso que passei

Momentos mui cumplicados

3

Cunfesso que hoije an die

Las cousas ban indo, si senhor

Yá sou falada i screbida

I todos m´antenden melhor

4

Cunfesso cun muita proua

Mas isso nun debe ser pecado

Acabou se lá mala pata

I yá sou recebida cun agrado

5

Sou recebida cun muito agrado

Por quien me chababa atrasada

Agora por ser mais cunhecida

Yá naide reclama de nada.

6

I isso nun ye pecado

Nien chequier un defeito

Cada ua ye cumo ye

I you tengo este miu jeito.

7

You tengo este miu jeito

Parece me que nun ye pecado

Aquel que nun m´antandir

Stá l Bocabulairo an todo l lhado.

8

You stou an blogger i Jornales

Que me lhieban a todo lhado

Nun hai rezon para nun antander des

Todo i qualquier pecado.

9

Nesta mie grande cunfisson

Perdon l quiero pedir

A quien me quejier falar

I inda nun m´antandier.

10

You als poucos chego até bós

Prometo que ye berdade

Quando un die me quejier des studar

Alhá starei you na ounebercidade.


José António Esteves

Lar de San Jesé Bumioso