14/05/11

Manos cun 25 000 anhos d'eidade





Para Leonardo,

Depuis de haber lido la cuonta que mos aperpuso de ls armanos que querien ser pintores dambos a dous, « oufreço-le » estas manos rupestres cun 25 000 anhos d’eidade (1a foto) i 27 000 (2a foto) que fúrun ancuntradas, ne l ampeço de l seclo atrasado nas grutas de Pech Merle i de Gargas, ne l Sul de la França.


I para quien quejir saber mais i s’antressa pula pre-stória i l'arte rupestre an giral , hai artigos subre essas dues grutas se furdes a ber aqui ou aqui (artigos de la Wikipédia tamien redigidos an Pertués)

Buona leitura !

8 comentários:

leonardo antao disse...
Este comentário foi removido pelo autor.
leonardo antao disse...

Buonas nuites amiga Ana:

Muito oubrigado pula ouferta de las pre-stóricas i guapas manos rupestres que fúrun ancuntradas ne l Sul de Fráncia.

Cun esta sugeston de cunsulta de la Wikipédia, cuntribuíste para oumentar i melhorar ls mius coincimientos de pre-stória i arte rupestre .

L miu perfundo agradecimiento, cun beisico de carino i gratidon,
Leonardo.

Ana disse...

Bien haia Leonardo,

I a perpósito de manos pre-stóricas, tamien bal la pena falar de la presença stroudinaira de 65 manos an negatibo, uas negras outras burmeilhas, nua gruta submarina que fui çcubierta mais recentemiente (a partir de ls anhos 80) acerca de Marselha, por mergulhadores mui cunfirmados.

Acunselho: http://pt.wikipedia.org/wiki/Caverna_de_Cosquer (an pertués)

ou melhor inda http://fr.wikipedia.org/wiki/Grotte_Cosquer (an francés) cun un squema que mostra cumo fui possible l acesso a essa gruta.

leonardo antao disse...

Buonas nuites Ana:

Ua beç mais mui oubrigado pula anformaçon, que cuntribuí para melhorar la mie formaçon an manos pre-stóricas.

Un beisico,
Leonardo.

leonardo antao disse...
Este comentário foi removido pelo autor.
leonardo antao disse...

Ua beç mais buonas nuites Ana:

Al ber las manos que me sugeriste, i al ir deitar-me tube ua eideia que gustaba de bos deixar eiqui; las manos, an special las de a mulhier son un simblo de ternura i d'amor, maior que todas las fuorças adbersas, amor que stá na ourige de todo l qu'eisiste ne l'ouniberso.

You amo las manos amorosas de a mulhier, que me trasmiten un carinho i ua felicidade absoluta i eisistencial.

Mui oubrigado pula anformaçon subre manos, que cuntribuíran para melhorar la mie formaçon an manos i la mie felicidade

Un beisico,
Leonardo.

Ana disse...

Buonas tardes, Leonardo,

Claro que todas essas manos pre-stóricas stan chenas de mistério i suscítan, penso, muito respeito i admiraçon (Quien mos diç que nun son até manos de antepassados nuossos? Podemos eimaginar esso...) mas l cierto ye que nunca poderan sustituir assi i todo las manos que stan ou yá stubírun mui acerca de nós, a ampeçar, penso, pulas manos daqueilha que mos dou la bida... zde esse die an que todo ampeçou.

Un abraço,
Stá un més de Maio spléndido, anton nun stá?

leonardo antao disse...

Buonas nuites amiga Ana:

Ye un guapo anterrogar-bos “que nun son até manos d'antepassados nuossos?” , mas mais guapo ye pensardes nas “manos daqueilha que mos dou la bida... zde esse die an que to ampeçou”.

Estas rústicas manos de la mulhier de Zenízio (tie Isabel Zorra) que me dezírun tener ajudado a mie mai (solo cun un pouco d'azeite i uns suabes mobimientos de dedos) a poner-me fura de la barriga, son las manos que you amo sin medida, “cun to l miu coraçon, cun to a mie alma i cun to a mie minte”.

Para respunder sinceramente a la buossa pregunta “Stá un més de Maio spléndido, anton nun stá?” digo-bos que me preocupa bibirmos ne l nuosso querido Pertual ua perfunda crise eiquenómica, política i social. Mas tengo sperança de que cula ajuda de la nuossa Senhora de Fátima, eiremos bencer mais esta grabe crise.

Un beisico de carinho i gratidon,
Leonardo.