..
NE L MOLINO DE LA SENHORA
..
Chégan pula tardechica,
Son anjos que bénen de l Cielo.
Mas haberá anjos? Stou solica!
Stou bendo un burnaciego!
Àh! Mas quien sós?
Yá me tireste l retrato?
Anda, ben pal pie de nós.
Anda, tira-me un retrato.
Mais qu’esso, tiro-te dous,
Ua manhuça deilhes.
Para mostrares als tous.
Inda hai anjos, ou tius cum’eilhes,
Inda hai ties felizes
Cumo puodes ber agora,
Cumo tie Delaide,
Ne l molino de la Senhora.
..
1 comentário:
Buonas nuites Almendra,
Gustei d'oubir estes cachicos mui antressantes de l'ancuontro de bloguers i gustaba de tener feito parte desse guapo grupo, mas rezones de fuorça maior tornórun ampossible la mie persença.
Ambora sendo mui cúrtios estes tous bídeos permiten-mos ber qu'este ancontro fui mais ua buona oucasion para melhorar l coincimiento antre aqueilhes que solo se conhecen pula anternete i de trocáren beisicos i abraços reales i nun solo bertuales, cumo son eiqui.
Parabienes por esta buona dibulgaçon de la stória deste ancuontro.
Un abraço,
Leonardo.
Enviar um comentário