Salimieto de la purmeira nobela scrita an mirandes

L Ancuontro

Stá a Salir de l forno la purmeira nobela scrita an Lhéngua Mirandesa, cul l títalo de: “L Ancuontro”.
De l que trata, preguntaran ls lheitores.
Diç quin yá tubo la ouportunidade de la ler, que la stória se passa pali para l meio de l seclo antrior, para ls anhos sessienta. Trata de três cousas agora i siempre mui actuales. L amor, la guerra i la murte.
Un amor pueril que naçe puro i cristalino i se desambulbe.
Ua guerra que todo mata, pessonas spranças i proboca tantos desancuontros. Ende un paiç parado, mudo i triste, manda suldados eignorantes para la guerra. Assisten a la muorte de camaradas de armas, i preguntan l que stan eili a fazer? Perdan todo, i por momentos, tamien l santido de la bida.
L amor ten deficuldades an rejistir a la çtancia. Ls anhos passan mas nun passa aquel suonho de nino, que todo absorve i marca la eijistência…

----------------------
Esta nobela tem salimiento marcada para l die 14 de Agosto eili an Zenizio, Cunceilho de Miranda do Douro pulas 18.00Horas, no salon de la Associaçon “Sol Nasciente”

Valter Deusdado