01/08/11

Hoije Nun Bou Falar de Bancos


Ampeçou l més de Agosto que ye, como to la giente sabe, un buon més para ua pessona se sentar a la lareira (parece-me que la Troika até mandou l Berano passar menos tiempo an Pertual, mas nun bou desenbolber este assunto, que hoije nun quiero falar de política).

Stragados ls planos de ir a la praia ó de ir al Ikea (desta beç, cuido que S. Pedro me feç un fabor), pensei an screbir un testico sobre la faléncia i la sabaçon de l BPN, la forma cumo pagámos ls perjuizos i ambestimos pal l tornar un negócio apetecible outra beç, la sue benda por tuta i media i l denheiro que inda bamos alhá poner pa l recapitalizar.

Mas nó! Nun bou falar de nada desso. Afinal de cuontas aqueilho que stá an causa ye solo l bien público i l denheiro de ls nuossos ampuostos a ser ousado para faborecer alguas pessonas. Por outras palabras, ye un tema que nun anteressa a la maiorie de ls pertueses.

Bou, anton, demudar de assunto. Cumo ando un cachico nostálgico, resolbi poner eiqui algo que me fazísse lhembrar la einfáncia, un tiempo an que todo parecie tan simples.





Eiqui queda la traduçon para mirandés:

Bic bic, bic bic bic
Bic bic bic, bic laranja
Bic bic bic, bic cristal

Bic laranja, bic cristal
dues scritas a la buossa scolha

Bic laranja, scrita fina
Bic cristal, scrita normal

Bic laranja, bic cristal
dues scritas a la buossa scolha

Bic bic, bic bic bic

2 comentários:

Abelhon disse...

Buonas tardes

Á Fir!!! i anton quereis ua cousa más cenzielha que esto?!?! scribe-se cun laranja ou cun cristal até remelhones de anfenitos (ouros).
Se calha até sou you que ando a quedar boubo por anteiro mas pul strelhumbre até parece la gatunaige de l séclo. Miu abó alfaiate, un analfabeto nacido no séclo XIX, dezirie: que bien urdida fui la manta!!! baia baia!!!

Abraços
A.M.

Fir disse...

Buonas nuites Abelhon,

you nun tengo la certeza se esto será la gatunaige de l séclo.

Ye que l séclo ampeçou hai pouco tiempo i parece-me que eilhes inda ténen muitos roubos para fazer.

L pobo ye sereno...

Un abraço,
F.