FACUNDO CABRAL

..

NUN FAGAS NADA POR OUBRIGAÇON, NIEN POR CUMPROMISSO, SOLO POR AMOR

...

Nun fagas nada por oubrigaçon, nien por cumpromisso, solo por amor.
Antonces haberá plenitude
i nessa plenitude todo ye possible i sien sfuorço,
porque te muobe la fuorça natural de la bida.
La que me lhebantou,
quando se caiu l abion cun la mie mulhier i la mie filha.
La que me mantubo bibo,
quando ls médicos me dában trés ó quatro meses de bida.
Dius puso-te a tou ancargo un ser houmano,
sós tu miesmo,
a ti te debes fazer liebre i feliç.
Depuis, poderás cumpartir la bida berdadeira culs outros.
Lhembra a Jasus, amarás al próssimo cumo a ti miesmo.
Recuncilia-te cuntigo,
pon-te delantre de l speilho
i pensa que essa criatura que stás bendo, ye obra de Dius
i decide agora miesmo ser feliç,
porque la felicidade ye ua aquisiçon, nó algo que benga de fuora.
Además, la felicidade nun ye un dreito, mas un deber,
porque se nun sós feliç, stás amargurando a toda l’aldé.
Un solo home, que nun tubo nien talento, nien balor para bibir,
mandou matar a seis melhones de armanos judius.
Hai tanta cousa para gozar
i la nuossa passaige por la tierra ye tan curtia,
que sofrir, ye ua perda de tiempo…(cuntina)