28/08/11

Cousas Pequeinas i Grandes (2)


(Onte Almendra screbiu algues filosofies anteressantes i you, que sou un atrebido, resolbi pegar nalgues de las sues premissas i dar tamien la mie oupenion)

- Para un alifante un perro ye pequeinho, para un gato un perro ye un animal barulhento cula manie que ye grande i fuorte, mas que se sujeita a lhebar uas unhadas i a ir-se ambora a ganir

- Ls lhibros nun se meden a las páginas

- Nun ye perciso quemer la sopa toda para saber que stá stragada, basta probar; cu ls lhibros i cu ls filmes passa-se la mesma cousa

- Hai lhibros de 700 páginas que nun ténen palha i testos de dues páginas que nun se cunsiguen ler até al fin; apesar desso, a las bezes ls lhibros assustan-mos por pareceren mui grandes (ando hai anhos a adiar la lheitura de À la Recherche du Temps Perdu)

- Se ls lhibros de Norah Roberts tubíssen solo deç páginas, teneríen mais deç páginas do que aqueilhas que you tengo antençon de ler

- Ye possible gustar de un lhibro de ua pessona de que nun gustamos i nun gustar de un lhibro de um amigo nuosso; l cuntrairo tamien ye berdade; deiqui se cunclui, que nun debemos cunfundir l' obra cul artista

- Para se gustar de un lhibro, nun ye perciso que el seia melhor que la Bíblia ó Ls Lusíadas; para se gustar de un filme, nun ye perciso que seia melhor que Nosferatu, Ladri di biciclette ó Citizen Kane; mas tamien nun tenemos que gustar de todo

- L' ambeija perjudica quaije siempre las bítimas, mas inda perjudica mais ls ambejosos

- Todos tenemos (un pouco de) rezon, naide ten la rezon toda.

3 comentários:

Almendra disse...
Este comentário foi removido pelo autor.
Almendra disse...

Firmino,

Fui un eisercício bien feito subre l testo, mas falta un cachico mais de aporfundamiento de las questones.

Para todos,
La filosofie ye la mai de las ciéncias, por esso hai que coincer bien ls filhos para se poder ser buona mai. Àh, i tener arte para ser mai.

Ls filhos mais desanquietos son la matemática i la lhéngua scrita, por esso, studai-los bien.

Ala, botai-le...

Fir disse...

:-)