08/03/10

Formaçon de formadores an mirandés

L’ Associaçon de Lhéngua Mirandesa, an parcerie cun l’ Associaçon Nial de la Boubielha, bai mais ua beç pormober l ansino de l mirandés an Corroios. Desta beç l ansino çtina-se a quien tenga l Curso Eilementar de Lhéngua Mirandesa, ou a quien nun l tenendo scribe sien porblemas nesta lhéngua. L curso bai a tener ua carga hourária de doze horas i será dado an três sábados de las 15.00h à las 19.00h, ne l Clube Cultural i Recreatibo de l Alto de l Molino an Corroios. L sou ampeço ye ne l die 20 de Márcio i apuis tenerá un sábado an Abril i outro an Maio.
L curso bai a tener cumo porsor l nuosso yá bien coincido Porsor i Ambestigador Amadeu Ferreira.
Ls antressados puodan fazer la sue anscriçon até l die 17 de Márcio, pa ls emails de:
amadeujf@gmail.com ou leonardo.antao@sapo.pt
Francisco Domingues

2 comentários:

adeusdado disse...

Caros Mirandeses

Alhá staremos para dar mais fuorça l Mirandés

Válter

leonardo antao disse...

Amigo Francisco,

Aprobeito para te agradecer la de dibulgaçon deste amportante Curso de Formaçon de Formadores, mui amportantes para melhorar ls coincimientos subre la stória, la cultura i la lhéngua mirandesas.

La Direçon de l Centro Cultural i Recreatibo de l Alto de l Molino, yá çponibelizou l'anfitriato i manifestou la sue grande sastifaçon an cuntinar a apoiar la formaçon an lhéngua mirandesa, an special, an recebir, mais ua beç, l nuosso eilustre porsor Amadeu Ferreira.

Apelo a todos ls que ya coinceis la lhéngua mirandesa para benirdes frequentar este Curso i para que nun çperdiceis esta nuossa boç de la sabedorie mirandesa.

Un abraço
Leonardo