Ah gandulos, ah filhos dua cundanida!
Bou a casa i trago ua scopeta que yá bos digo!
Ye ua lhuita zeigual i nun hai dreito. Se you tubisse alas cumo bós, bos dezirie, tordos un catancho.
Parece-le que la cereijeira ye deilhes, nun me ténen miedo nanhun.
Anquanto you stou no chano a apanhar las cereijas, eilhes bán parriba a quemer las mais maduricas, bózian-me para me ampuntar i cágan-me anriba la cabeça.
Stan eiqui to l anho i bota, púxan de la lei que diç que le dá rezon; porque eilhes ye que ténen stado antregues a esto quieren çpostiçar-me deiqui, ls lhambones!
Anda l mundo d´alrobés!...
Usocapion a tordos, adonde yá se biu!...
Fui assi que ancomeçou la cuntenda antre la família Bico Amarielho i la Família Monteiro.
Quien ye que trata las cereijeiras ne l Eimbierno quando gela, na Primabera contra ls brugos i ne l Outonho quando pérden la fuolha? Argumentaba Bico Amarielho. Quien ye que stá siempre acá? Somos nós!...
Mas la cortina, la plantaçon, todo esso era de miu pai, dezie Delaidica.
Nun senhor, esto ye nuosso, nós stamos acá siempre, dezie Bico Amarielho, todo campante.
Arranjórun cada un sou adbogado.
Bico Amarielho dou un assobio i lhougo bieno un de l bando, muorto por quemer cereijas.
Delaidica cuntratou un tiu Mirandés i ampuso cundiçon de se falar mirandés ne l julgamento.
Bico Amarielho anraibou-se, nun querie, mas acabou por tener que arranjar antérprete.
L adbogado Tordo sbolaciaba, sbolaciaba, abrie l bico, lhebantaba las prumas i quaije que se zababa cun l adbogado Mirandés, nun fura l juíç dar uas martelhadas ne la mesa. Batírun-se cumo dous galhos angarrados, argumentos deiqui, ataques de acolhá.
Por fin l juíç liu la sentença:
Nun puode la família Bico Amarielho detener ls bienes i las cereijeiras, por nun tener quedado l tiempo neçairo para ser aplicado l usocapion, sendo la puosse de Delaidica.
Bico Amarielho i sue família quédan cun ousofruto de to las cereijeiras.
Por bias de ls tordos nun gustáren de cereijas pouco açucradas, quédan para Delaidica las cereijas de ls galhos de baixo.
Ls tordos nun puoden cagar anriba deilha quando las stá a apanhar.
Al menos esso, dezie Delaidica!...
I fui assí que de pleno dreito, las cereijas de la família Monteiro, quedórun pa ls tordos.
Yá nien spantalhos l bal!...
Bou a casa i trago ua scopeta que yá bos digo!
Ye ua lhuita zeigual i nun hai dreito. Se you tubisse alas cumo bós, bos dezirie, tordos un catancho.
Parece-le que la cereijeira ye deilhes, nun me ténen miedo nanhun.
Anquanto you stou no chano a apanhar las cereijas, eilhes bán parriba a quemer las mais maduricas, bózian-me para me ampuntar i cágan-me anriba la cabeça.
Stan eiqui to l anho i bota, púxan de la lei que diç que le dá rezon; porque eilhes ye que ténen stado antregues a esto quieren çpostiçar-me deiqui, ls lhambones!
Anda l mundo d´alrobés!...
Usocapion a tordos, adonde yá se biu!...
Fui assi que ancomeçou la cuntenda antre la família Bico Amarielho i la Família Monteiro.
Quien ye que trata las cereijeiras ne l Eimbierno quando gela, na Primabera contra ls brugos i ne l Outonho quando pérden la fuolha? Argumentaba Bico Amarielho. Quien ye que stá siempre acá? Somos nós!...
Mas la cortina, la plantaçon, todo esso era de miu pai, dezie Delaidica.
Nun senhor, esto ye nuosso, nós stamos acá siempre, dezie Bico Amarielho, todo campante.
Arranjórun cada un sou adbogado.
Bico Amarielho dou un assobio i lhougo bieno un de l bando, muorto por quemer cereijas.
Delaidica cuntratou un tiu Mirandés i ampuso cundiçon de se falar mirandés ne l julgamento.
Bico Amarielho anraibou-se, nun querie, mas acabou por tener que arranjar antérprete.
L adbogado Tordo sbolaciaba, sbolaciaba, abrie l bico, lhebantaba las prumas i quaije que se zababa cun l adbogado Mirandés, nun fura l juíç dar uas martelhadas ne la mesa. Batírun-se cumo dous galhos angarrados, argumentos deiqui, ataques de acolhá.
Por fin l juíç liu la sentença:
Nun puode la família Bico Amarielho detener ls bienes i las cereijeiras, por nun tener quedado l tiempo neçairo para ser aplicado l usocapion, sendo la puosse de Delaidica.
Bico Amarielho i sue família quédan cun ousofruto de to las cereijeiras.
Por bias de ls tordos nun gustáren de cereijas pouco açucradas, quédan para Delaidica las cereijas de ls galhos de baixo.
Ls tordos nun puoden cagar anriba deilha quando las stá a apanhar.
Al menos esso, dezie Delaidica!...
I fui assí que de pleno dreito, las cereijas de la família Monteiro, quedórun pa ls tordos.
Yá nien spantalhos l bal!...
2 comentários:
Buonas tardes Delaide,
Que guapo test este i retrata bien l que se bai passando nas nuossas tierras. Cumo dizes ye la paixarada que bai sendo duonha de todo (cereijas, pexigos, maçanas, ubas, freijones, i outras cousas) son eilhes cumo dizes que ténen l uso fruto de todo.
Un abraço,
Francisco
Ei Francisco,
Assí ye home! Ye ua auténtica inbasón, nada scapa.Desta beç ténen sido sólo ls residentes, mas quando l pega un bando a menos de nada "lhimpan" todo.
Beisicos,
Adelaide
Enviar um comentário