Hai dous dies andaba you por lhados de la Bista Alegre i pus-me a la cumbersa c'ua guia de l museu que alhá hai, quando, falando de cousas únicas me bieno a la eideia i a la fala la eimaige de l Nino Jasus de la Carolica. "Han, Miranda? diç eilha, pus mira que un bispo de Miranda stá eiqui sepultado na capielha que el mesmo mandou fazer."
Antre la léria i la sepultura fui un relhampo. L Bispo, de sou nome Manuel de Moura Manoel, natural de Serpa, fui l 18.º Bispo de Miranda (inda era solo diocese de Miranda) antre 1689 i 1699, más tarde tamien Reitor de la Ounibersidade de Coimbra i Anquesidor.
La sepultura yá fui oubjecto de algues teses de doutoramiento i mestrado pulas bárias singularidades que apersenta, assi cume outros promenores por toda la capielha por el mandada fazer, todos eilhes contra l que l Papa apregonaba tanto pa la cunstruçon de templos cume de túmulos.
La sepultura yá fui oubjecto de algues teses de doutoramiento i mestrado pulas bárias singularidades que apersenta, assi cume outros promenores por toda la capielha por el mandada fazer, todos eilhes contra l que l Papa apregonaba tanto pa la cunstruçon de templos cume de túmulos.
Al melhor, la traça agreste dun feitiu cuntestatário inda la apanhou alhá pa las arribas.
Sem comentários:
Enviar um comentário