09/05/09

HOIJE



HOIJE ye un sitio de l SAL (http://www.sendim.net/) adonde todos ls dies se publica ua ambora an mirandés i cumpletou ne l die 8 las 600 amboras. Pongo eiqui la ambora númaro 600.


HOIJE


600 AMBORAS

L HOIJE cumpleta las 600 amboras i an pouco mais de anho i meio, tornou-se nua de las percipales refréncias de las amboras de Sendin i de ls alredores, l que fizo cun que l númaro de bejitas seia hoije de mais de 250 por die. A la antrada de la nuoba 600, las bejitas de l HOIJE sóman yá las 150 388.




La purmeira ambora

Mas nun son solo las amboras, son tamien ls retratos i l cuntributo para la léngua mirandesa, respeitando la purmeira adenda a la cumbençon, que bino a salbaguardar l sendinés i a tornar l mirandés mais rico.




L HOIJE


Nestas 600 amboras muito se falou de las tradiçones, de ls usos, de ls questumes, de l folclore, de la bida i de las pessonas. Puso-se muita giente a ler todos ls dies l mirandés i houbo muita giente que eiqui ampeçou a gustar de la léngua mirandesa.





SENDIN


Bamos a cuntinar i cada beç a ser mais anterbentibos, para defender Sendin i alredores, la sue giente i la sue cultura i amostrar als outros que eiqui hai siempre alguien que mos ajuda a lhembrar la nuossa querida tierra, adonde tenemos las raízes.

abiso: este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.

Almendra


5 comentários:

ACangueiro disse...

Parabienes, a L HOIJE i a l seu autor.

Las amboras i ls retratos son mui amportantes para ls sendineses, para ls mirandeses, para todo l praino i toda la giente que guosta de ber las sues tierras balorizadas sien quinticas i tricas.

Ls que saliran aconchegan-se nas lhembranças de ls cheiros, de ls sabores i mirares que registraran un sues mimórias.

Bien-haia por nos amostrares i nos lhembares que hai un sítio que nos FIZO i que nos amostra l que somos HOIJE.

Salude para cuntinar a fazer l HOIJE.

António Cangueiro

Daniel Sardinha disse...

Bei eiqui, Cecílio. Ls debidos créditos fúrun-te dados tamien ;)
http://goytamirandes.blogspot.com/2009/05/skype-mirandes.html

faustino.antao disse...

Ls mius parabienes al "HOIJE"

Claro ye dezir a quien l fai, a todos.

Son estes sítios quando mos dán amboras, mos rebélan trabalho, dedicaçon, culidade i amor, que mos ajúdan a star bien i gustar de la bida.

Cuntinai siempre, por muitas, buonas i guapas palabras que bos deixe nunca pagáran l bien que me fai ler i saber de las cousas de l praino i de ls nuossos questumes i cultura

Bien haia i muitas felcidades

Un abraço arrochado
Faustino Antão

Scalhabrés disse...

Parabienes al Hoije i a quien l fai.
Melhor que estas palabras i ir siempre acumpanhando-lo i ye esso que you fago.

Cecílio

Amadeu disse...

Buonas nuites Zé Chico,

Cumo sabes, bou todos ls dies al HOIJE, que faç parte de las mies rotinas. Cuntina siempre, sien parar.
Cumo fiç zde l ampeço, cuntinarei a acarinar l HOIJE i a dibulgá-lo, cumo yá l fiç tanta beç.
Percisamos de mais einiciatibas cumo essas.

Un abraço i que nun te falte l ánimo.
Amadeu