Este retrato que eiqui bos deixo, ye sacado dun ajuntouro an que se purparában para ber mais un quelóquio.
L ajuntouro ye de la segunda metade de la década de ls anhos quarenta a cinquenta de l seclo datrás. Cumo todo mundo sabe, bibiemos ne l praino mirandés (i ua buona parte de l paíç) sien lhuç eilétrica nas nuossas casas i nas ruas, sien telfone nien telfonie, ls canhones de la Segunda Guerra Mundial habien-se calhado, ls palombos correio i l morse cumo modo de comunicaçon spalhado, las mensaiges screbidas éran pa l tiempo i pa la houmanidade ls modos de chegar als que stában loinge ls mais abançados, mesmo de lhemites bien amperrunhados.
Grácias al quelóquio sabiemos de la grandura de l mundo, ls feitos eilustres de ls nuossos antrepassados, de l que ye capaç un pobo quando acradita, l poder de la repersentaçon cumo modo d’arte i cultura, puis nien las scuolas nien ls lhibros a esse tiempo nun tenien poder de trasmitir i ansinar.
L quelóquio era querido i deseado, era quemido pa l’alma, anchie l sprito de quienquiera, sátira ou quemédia benido bien dantes era feito pur atores de casa, staba pa l pobo cumo l’auga de las fuontes. Cuido que nada habie que ajuntasse tanta giente cumo s’ajuntaba ne ls quelóquios de las aldés, puis fago fé ne l que me cuntában ls mius mais bielhos.
Fazer i ber quelóquio era tan çfrente de las lhidas de l die a die, que s’apersentaba cumo atamador de canseiras i cismas, zbinturas i atalancadeiros, probrezas i zgráçias, çcunfuortos i zgustos, era serbido an tabrados ne ls currales a la lhuç de lhampion ou terreiros streilhados. Assi el fusse merecedor i tenerie la recumpensa por muito tiempo de ser falado i agabado. Çputaba-se la melhor repersentaçon sien tener a la bista prémios de menistérios ou secretaries, l abaluador era spriente. L pobo nun quedaba a deber nada a quien le fazie feliç.
Rendidos nunca, la lhuita era fazer melhor.
Beneracion nun merécen la telbison, telmoble ou anternete d’hoije.
L ajuntouro ye de la segunda metade de la década de ls anhos quarenta a cinquenta de l seclo datrás. Cumo todo mundo sabe, bibiemos ne l praino mirandés (i ua buona parte de l paíç) sien lhuç eilétrica nas nuossas casas i nas ruas, sien telfone nien telfonie, ls canhones de la Segunda Guerra Mundial habien-se calhado, ls palombos correio i l morse cumo modo de comunicaçon spalhado, las mensaiges screbidas éran pa l tiempo i pa la houmanidade ls modos de chegar als que stában loinge ls mais abançados, mesmo de lhemites bien amperrunhados.
Grácias al quelóquio sabiemos de la grandura de l mundo, ls feitos eilustres de ls nuossos antrepassados, de l que ye capaç un pobo quando acradita, l poder de la repersentaçon cumo modo d’arte i cultura, puis nien las scuolas nien ls lhibros a esse tiempo nun tenien poder de trasmitir i ansinar.
L quelóquio era querido i deseado, era quemido pa l’alma, anchie l sprito de quienquiera, sátira ou quemédia benido bien dantes era feito pur atores de casa, staba pa l pobo cumo l’auga de las fuontes. Cuido que nada habie que ajuntasse tanta giente cumo s’ajuntaba ne ls quelóquios de las aldés, puis fago fé ne l que me cuntában ls mius mais bielhos.
Fazer i ber quelóquio era tan çfrente de las lhidas de l die a die, que s’apersentaba cumo atamador de canseiras i cismas, zbinturas i atalancadeiros, probrezas i zgráçias, çcunfuortos i zgustos, era serbido an tabrados ne ls currales a la lhuç de lhampion ou terreiros streilhados. Assi el fusse merecedor i tenerie la recumpensa por muito tiempo de ser falado i agabado. Çputaba-se la melhor repersentaçon sien tener a la bista prémios de menistérios ou secretaries, l abaluador era spriente. L pobo nun quedaba a deber nada a quien le fazie feliç.
Rendidos nunca, la lhuita era fazer melhor.
Beneracion nun merécen la telbison, telmoble ou anternete d’hoije.
3 comentários:
Era muita la giente que se juntaba para assistir a ls quelóquios (triato popular mirandés).Fúrun representados, al lhongo de bários sieclos, até als nuossos dies, pul pobo i para l pobo mirandês.
Antre outros, ls testos éran relegiosos ó profanos i las pessonas que ls dirigian chamában-se "regradores" (ansaiadores).
De pequeinha, inda fui a alguns quelóquios a la Pruoba.
Las cousas que se fazien sin tecnologie!
Saludos,
Isilda
Buonas nuites Faustino,
Staba bien giente neste quelóquio, mas l que se fizo an Zenízio quando you era garoto ''Ls Doze Pares de França'' tenien muita mais. Era tanta la giente que las eiras de maçaneira que son bien grandes quedórun chenas. Parabienes pul testo i pul guapo i antigo retrato.
Un abraço,
Francisco
Dius mos deia buonos dies
Ye berdade l que dizes amigo Francisco.
Aquel que se fizo nas eiras de Maçaneira (Ls Doze Pares de Fráncia) an Zenízio si fui baliente, tubo nomeada i fui agabado pulas gientes i regradores de to ls lhado.
Agarrando ne l que diç Isilda ls de la Pruoba nun deixában i nun deíxan (son giente que merécen ls mius melhores agabones nesto de quelóquios) inda hoije la momeada pur mano alhenas, i nesse die quedórun rendidos al que fazírun ls Zenizienses. Inda se cuonta que nun tenie l quelóquio ancerrado yá eilhes dezírun "stá ansilbado" cumo quien diç ye l melhor que se biu.
Quien sabe se un die inda scribo subre el i çcubro un retratico desse die, puis tube alhá l mui armanico Jorge i ls atores que l fazírun merécen que naide se squeça deilhes.
Screbir ye abibar las mimórias.
Un abraço
Enviar um comentário