Ben, auga!
Quiero recebir-te na rue
Abraçar-me a las tues gotas frescas
Molha-me
Recibo-te cumo se stubisse znuda.
Cumo ua árbole a pingar
Pido l aire i l sol bastante
Relhampante
Para me secar ne la rue.
Ben, auga!
Molha-me l miu pelo
Perfuma-l cun zbelo
Cun oulor a tierra que trazes.
Quiero santir l cheiro
De las flores molhadas
Rosas, lírios, lilazes
Delírios
Para me perfurmar ne la rue
Ben, auga!
Trai-me l frescor de l Outonho
Ne la Primabera stibal.
Cuntigo you quiero beilar
Quiero que seias miu par
Melodie sien eigual
Abandono
Nua dança mie i tue
Subscrever:
Enviar feedback (Atom)
3 comentários:
Buonas nuites Adelaide,
Parabienes por estes guapos bersos.
An Zenízio ls mais bielhos dízen ruga i nun rue i pansaba que na Speciosa tamien se dezie de l mesmo modo. You cuntino a dezir ruga cumo daprandi an garoto.
Un abraço,
Francisco Domingues
Ei, Francisco,
Screbi-lo quando todo mundo na Speciosa andaba a pedir auga, a fazer nobenas i assi.
Na Speciosa diç-se rue. Lembrasse-me de oubir ruga i secálha a quien bieno de Zenízio.
Beisicos
Adelaide
Francisco,
Anganhei-me. Na Speciosa diç-se "rua".
adelaide
Enviar um comentário