05/02/08

Dexter


De die trabalha para la polícia, na tentatiba de çcubrir assassinos an série. A la nuite mata ls assassinos an série que la lei nun cunsigue castigar. L sou nome ye Dexter i ye l protagonista de la série houmónima que yá strenou na Fox i strenará manhana a las 22:45 na RPT 2.
La série yá porbocou ua série de artigos ne l suplemento Y de l jornal Público i ten sido albo de las mais bariadas anterpretaçones (antre las quales, l zancantamiento cun la justicia oufecial). You stou curjidoso. Se stubirdes tamien, nun bos squéçades: a las quartas na RTP2, apuis de l jornal 2.


2 comentários:

Tiégui disse...

Buônas !
Ua cousa que nun ten nada a ver cum al que fui ende screbido. Sei qu'alguns de bos stan an França, i apartir de manhana ampeça la feira de las lhiênguas an Paris.
Gusterie de saber s'hai pessonas d'eiqui que staran alha presentes. Mas anfurmaçones an : http://www.asturies.com/noticia.php?cod=29269

Ya assi puderiemos falar algo de Mirandés cu'los Sturianos.

Haber se pa l'anho bos çdis an benir i presentais al Mirandés. Agora dal Porto nun custa nada benir anté Paris uns 50 O d'abion i nin squiêra d'alguas bezes. Mandais a la camara que pague i ya sta :-) I pr'adonde drumir siempre mos arranjaremos.

AF disse...

Buonas nuites Tiégui,


Mira yá bários anhos que la Associaçon de Lhéngua Mirandesa partecipa na Feira de las Lhénguas an Lisboua. Yá houbo un anho que fui dedicado a las lhéngua minorizadas i até stubírun acá ls Sturianos por cumbite nuosso.

Por mi cuido que l mirandés nun ten meios i fuorças para ir a todas. I esso nien sequiera ye tanto ua question de denheiro

L eidial era que houbira ua anstituiçon central i pública de l mirandés, cumo defendo hai muito, i que tratasse dessas cousas. Bamos a cuntinar a lhuitar por esso i ha de eisistir un die, stou cierto.

Mas se podires ir esso ye buono i cuntar-mos cumo fui. Ls Sturianos conhécen-mos bien i stamos siempre an cuntato cun eilhes por bários modos.
Un abraço,
Amadeu