You bien sei que yá nun ye muito tiempo de Persépio, mas cumo an San Pedro solo l zarmamos ne l die de Reis, inda me astrebo a poné-lo eiqui.
I tamien para que quedeis a saber que an Belen l ciguonhos son tal i qual cumo ls de las nuossas huortas, ah rapazes, quien habie de dezir, eilhi tan loinge i armanos als nuossos!
Se pensais que la cabanha custou pouco a fazer, anganhais-bos. You bi-la fazer i lhebou un cacho buono. Ye ua caixa de papelon, cun casca de palos secos i musgo alhá apegados.
Agora yá nun me toca, mas datrás bien bezes alhumbei a saber de l musgo, i nunca zbiraba cun las unhas mi calientes! Assi L Nino agora me las puoda calcer pula bida fuora!
2 comentários:
Buonas nuites, Tortulhas,
An San Pedro tamien le metien miedo als garoticos de que l burrico le podie dar ua patada i la baquita ua scornada, por eisemplo se nun se portássen bien i assi?
Çculpa alhá este xato, que nun pára de preguntar, mas cumo diç l outro, quien nun sabe pregunta i preguntar nun oufende:
- an San Pedro siempre oubiste dezir «presépio»?. Nun se dezie «presepe»?
- i al musgo siempre le chameste «musgo» ou será que tamien habie quien le chamasse «mofo»?
Enviar um comentário