Nun beio neste retrato Quelores de l anfierno Beio todo sien ber nada. Ah quanto you quiero L negro i l claro Para ancuntrar la puonte Que m’apunte l camino Esse camino lhimpo. Cerro ls uolhos i ancuontro Un saber debinal Que ten sembas de fuorça Cumo l claron de lhabaredas Que çpértan rebuoltas Aclaréian rialidades. L caldeiron nun se nega Aguenta l poder de la calor Esse ímpeto muorto Que se mos antranhou Cumo cotras d’unto Arrodeado de scuridon La sangre reja-me nas benas Mas hei de ser paç D’ancuntrar la puonte Que me guie para loinje De l rechino deste caldeiron. 
1 comentário:
Buonas nuites Faustino,
You i ls associados de l Nial de la Boubielha, bemos dous guapos retratos que tireste ne l radadeiro Magusto, ne l Parque de las fiestas de Corroios.
Tal cumo bós, tamien beio nestes retratos “Un saber debinal …que çpérta rebuoltas i aclaréia rialidades”.
L que ye defícel para mi i para quaije todos nós, “ancuntrar la puonte que mos guie para loinje de l rechino deste caldeiron”.
Oubrigado puls guapos retratos i curtico i anterpelante testo.
Un abraço,
Leonardo
Enviar um comentário