Ls crabos

Puse ne l jardin un crabo
Salido dua spingarda
Nó de guerra mas de lhibardade.
Rego-lo cun pingas d´auga
Para que medre a buntade

Nun medra
Mas murchar nun l deixo…
Era triste l miu jardin
Sien esse crabo burmeilho
Nacido ne l més d´abril

L crabo anda mal cheiroso
De tanta merda se l stribar...

Crabo!
Diç-l als jardineiros ancumpetentes
Que l stierco a más te queima
I para que puodas medrar
Ténen qu´amanhar la tierra
L anho anteiro
Porque abril
Apelidado d´augas mil
Ye un més mui augaceiro