28/04/11

Anformaçon amportante






Caros associados, cunterráneos i amigos


Que naide se squeça que l "Cumbíbio i ls jogos tradecionales" pormobidos pul'Associaçon Cultural i Recreatiba Nial de la Boubielha (ACRNB-Zenízio) yá ye ne l Demingo que ben, l 1º de Maio.

Mais anformamos que stá todo splicado na carta de la Direcion de l'Associaçon que fui ambiada i ne l site ( www.nialdelaboubielha.org )

Notas:

1-Se acauso l tiempo nun stubir a modos de ajudar (stubir cun chúbia) todo se fai ambaixo de l telheiro (palco percipal) adonde se fizo siempre i ne l anho que stubírun acá ls nuossos cunterráneos de Zenízio.

2- Nesse causo ls carros puoden antrar até alhá pul porton grande (percipal).
(Mas nun squecer só se stubir a chober, se l tiempo stubir buono fai-se adonde se fizo l anho datrás)

3-Tamien que naide se squeça de lhebar mesas i cadeiras


Saludos


Pula Direcion de l'Associaçon i l'Admenistracon de l site


nialdelaboubielha@gmail.com
www.nialdelaboubielha.org


video

(Caros associados, familiares, cunterráneos i amigos limpassado l cumbíbio fui assi, astanho será defrente porque nun hai dous eiguales, mas bamos todos star alhá para que este tamien seia fuorte i animado, cumbíbir ye bibir, i feito an mirandés an armonie culas tradiçones i questumes de la nuossa region, ye bibir-lo muitas bezes al mesmo tiempo)

1 comentário:

leonardo antao disse...

Buonas nuites Faustino,

Agradeço l eicelente testo de dibulgaçon, deste nuosso amportante eibento, cun un ancantador Bídeo, ambora you nun puoda star persente, porque fiç nesta sumana l tratamiento de la Próstata, por ambolizaçon (que podeis ber na anterneta, se percurares João Martines Pisco), que ye de recuperaçon lhenta.

Cumo todos ls ancuontros, ye mui amportante para mantenermos bibas las tradiçones i la lhéngua daqueilhes que mos crióran, pul que aporbeito para cumbidar todos ls zenizienses i mirandeses a benirdes a este Cumbíbio i ls jogos tradecionales i a acraditardes que la fuorça mais poderosa de l mundo ye la de la amisade i ounion que se bai mantenendo i criando antre las pessonas que neilhes partecipan.

Un arrochado abraço,
Leonardo