L'Associaçon de Lhéngua Mirandesa an parcerie cun L´'ssociaçon Nial de la Boubielha lhebou a cabo l anho atrasado las palhestras de Mirandés, dadas pul Porsor i ambestigador Amadeu Ferreira. Estas palhestras fazírun parte de l 3º curso de Lhéngua i Cultura Mirandesas dado an Corroios, no Clube Cultural e Recrativo do Alto do Moinho.
Las palhestras ua an cada més tubírun l sou ampeço ne l die 26 de Janeiro i l final ne l die 21 de San Juan. L tema de cada palhestra fui subre la Stória de la Lhéngua i de la Cultura Mirandesas i tornórun las muitas pessonas que stubírun neilhas mais ricas, mais cultas i decierto que passórun a ber la lhéngua i la cultura mirandesas dun outro modo i a tener proua neilhas.
Astanho las palhestras cuntínan i ténen l sou ampeço ne l die 31 de Janeiro. Seran dadas ua beç an cada més i la última será ne l més de San Juan. L´Associaçon de Lhéngua Mirandesa, dando cuntinidade al trabalho zambolbido l anho passado i indo de ancuontro als pedidos de muitos mirandeses para cuntinar, decediu antegrar estas palhestras nas comemoraçones de ls 150 anhos de José Leite de Vasconcelos que ban de Júlio de 2008 a Júlio de 2009.
L porsor i ambestigador Amadeu Ferreira, falará nestas palhestras de la grande ampurtança que José Leite de Vasconcelos tubo pa l coincimiento i zambulbimiento de la lhéngua mirandesa. Cuntinará a falar de la Stória de la Lhéngua i de la Cultura Mirandesas. Falará de las biaiges que José Leite de Vasconcelos fizo a la Tierra de Miranda i dará cuonta de l grande manhuço de decumientos que ls bários colaboradors mirandeses le screbírun.
Estes decumientos fúrun çcubiertos ne l spólio de José Leite de Vasconcelos pul porsor Amadeu i l sou filho Zé Pedro. Apuis de ls çcubrir fazírun l sou tratamiento i stan prontos a ser publicados. Ls decumientos ban tamien a ser spuostos por todo este anho ne ls Museus de la Tierra de Miranda i Abade de Baçal an Bergáncia.
Eiqui queda l cumbite a todas las pessonas que l anho passado stubírun nas palhestras i a todas las outras que stéian antressadas an participar neilhas. La purmeira terá lhugar ne l die 31 de Janeiro, a las 15.30 horas, no Clube Cultural e Recrativo do Alto do Moinho em Corroios.
Subre las seguintes daremos cuonta a sou tiempo.
Francisco Domingues
Las palhestras ua an cada més tubírun l sou ampeço ne l die 26 de Janeiro i l final ne l die 21 de San Juan. L tema de cada palhestra fui subre la Stória de la Lhéngua i de la Cultura Mirandesas i tornórun las muitas pessonas que stubírun neilhas mais ricas, mais cultas i decierto que passórun a ber la lhéngua i la cultura mirandesas dun outro modo i a tener proua neilhas.
Astanho las palhestras cuntínan i ténen l sou ampeço ne l die 31 de Janeiro. Seran dadas ua beç an cada més i la última será ne l més de San Juan. L´Associaçon de Lhéngua Mirandesa, dando cuntinidade al trabalho zambolbido l anho passado i indo de ancuontro als pedidos de muitos mirandeses para cuntinar, decediu antegrar estas palhestras nas comemoraçones de ls 150 anhos de José Leite de Vasconcelos que ban de Júlio de 2008 a Júlio de 2009.
L porsor i ambestigador Amadeu Ferreira, falará nestas palhestras de la grande ampurtança que José Leite de Vasconcelos tubo pa l coincimiento i zambulbimiento de la lhéngua mirandesa. Cuntinará a falar de la Stória de la Lhéngua i de la Cultura Mirandesas. Falará de las biaiges que José Leite de Vasconcelos fizo a la Tierra de Miranda i dará cuonta de l grande manhuço de decumientos que ls bários colaboradors mirandeses le screbírun.
Estes decumientos fúrun çcubiertos ne l spólio de José Leite de Vasconcelos pul porsor Amadeu i l sou filho Zé Pedro. Apuis de ls çcubrir fazírun l sou tratamiento i stan prontos a ser publicados. Ls decumientos ban tamien a ser spuostos por todo este anho ne ls Museus de la Tierra de Miranda i Abade de Baçal an Bergáncia.
Eiqui queda l cumbite a todas las pessonas que l anho passado stubírun nas palhestras i a todas las outras que stéian antressadas an participar neilhas. La purmeira terá lhugar ne l die 31 de Janeiro, a las 15.30 horas, no Clube Cultural e Recrativo do Alto do Moinho em Corroios.
Subre las seguintes daremos cuonta a sou tiempo.
Francisco Domingues
5 comentários:
Apustais qu'alha apareço ? Mas tengo que saber adonde ye isso de Correios... Lisboua ?
Buonas tardes Tiégui,
Chegas a Lisboua, atrabessas la puonte 25 de Abril i apuis ye seguir las andicaçones. Ye pertico i bun camino.
Un abraço
Francisco Domingues
Ei Thierry,
Telifona-me que todo se amanha.
Dou-te boleia i todo.
Abraço,
Amadeu
Que pena que you tengo tener outro eibento inadiáble pal mesmo die. Pacência, alhá starei ne l prossimo. Ye con grande alegrie que podemos bultar a tener l porsor Amadeu entre nós.
Un abraço
Válter
A tabien Amadeu ! Purreiro ! Ya bos direi quando alha chegarei, nurmalmiente sexta ende pulas 16h.
Enviar um comentário