Ls dous retraticos amóstran ua caleija que nun ten nome, mas se le fusse dado un quedaba bien la Caleija de l Cabecico ou de tiu Jesé Marie porque ende morou.
Queda nua de las puntas de l Bárrio de Belharino, puis este Bárrio ye l mais lhargo de ls quatro que cumpónen l’aldé, mas la Caleija ye pequerrica. Se habisse máquinas de sacar retratos que l fazíssen an ambelga este retrato era sacado nun solo. Ye pequerrica nun cabecico subre piedra, ten arrimado ua fuonte, talbeç la fuonte mais bielha que se conhece, la Capielha de San Ceriaco, i ende hai ua piedra cula era de 1262 (gobernaba Don Fonso III). Apuis stende-se un bal (baixa), protegido por dues ancuostas, que bai para alhá de la pobaçon d’hoije.
Siempre que leio decumientos ou oubo palhestras subre la Stória de la region, muitas son las bezes que un poblado de Belharino (Vila de Vilharinho) ye tomada cumo refréncia parqui. Cumo pensar nun fai mal a naide, you muitas bezes cuido que Zenízio naciu eiqui neste cabecico.
Quaisque siempre ls pobos mais arreculados ne l tiempo, ampeçórun a fazer ls sous barracos de piedra para bibir ls fazien anriba de peinhas, de suolo que fusse mais seguro, an pie de onde habisse auga para eilhes i las sues huortas i demais sementeiras, adonde habisse pástio cun yerba i feno para sues béstias que percisában deilhas aquemodadas.
Eiqui an Belharino tenie esso todo i inda ten, agora cun mais poços mais huortas na baixa i las ancuostas cun binhas, arbles de fruito i tierras zbrabadas purparadas para nabiçales i berçales.
Agora quando miro pa la Caleija quedo cua delor de coraçon, porque la coinci quando an cada puorta moraba ua família, an cada jinela s’assomaba ua moça guapa. Quedo-me cul que eilha puode tener agarrado de Stória, al segneficado que eilha puode tener pa la mie aldé.
L que eiqui scribo ye l que penso, quienquiera l puode fazer, que de Belharino hai muitas refréncias screbidas hai, lhougo lhieba mais delantreira an ser l sítio que se tornou Zenízio.
Queda nua de las puntas de l Bárrio de Belharino, puis este Bárrio ye l mais lhargo de ls quatro que cumpónen l’aldé, mas la Caleija ye pequerrica. Se habisse máquinas de sacar retratos que l fazíssen an ambelga este retrato era sacado nun solo. Ye pequerrica nun cabecico subre piedra, ten arrimado ua fuonte, talbeç la fuonte mais bielha que se conhece, la Capielha de San Ceriaco, i ende hai ua piedra cula era de 1262 (gobernaba Don Fonso III). Apuis stende-se un bal (baixa), protegido por dues ancuostas, que bai para alhá de la pobaçon d’hoije.
Siempre que leio decumientos ou oubo palhestras subre la Stória de la region, muitas son las bezes que un poblado de Belharino (Vila de Vilharinho) ye tomada cumo refréncia parqui. Cumo pensar nun fai mal a naide, you muitas bezes cuido que Zenízio naciu eiqui neste cabecico.
Quaisque siempre ls pobos mais arreculados ne l tiempo, ampeçórun a fazer ls sous barracos de piedra para bibir ls fazien anriba de peinhas, de suolo que fusse mais seguro, an pie de onde habisse auga para eilhes i las sues huortas i demais sementeiras, adonde habisse pástio cun yerba i feno para sues béstias que percisában deilhas aquemodadas.
Eiqui an Belharino tenie esso todo i inda ten, agora cun mais poços mais huortas na baixa i las ancuostas cun binhas, arbles de fruito i tierras zbrabadas purparadas para nabiçales i berçales.
Agora quando miro pa la Caleija quedo cua delor de coraçon, porque la coinci quando an cada puorta moraba ua família, an cada jinela s’assomaba ua moça guapa. Quedo-me cul que eilha puode tener agarrado de Stória, al segneficado que eilha puode tener pa la mie aldé.
L que eiqui scribo ye l que penso, quienquiera l puode fazer, que de Belharino hai muitas refréncias screbidas hai, lhougo lhieba mais delantreira an ser l sítio que se tornou Zenízio.
3 comentários:
Aquessa caleija quaisque parece ua ruga qu'hai an Cicuiro, alha pra baixo, adonde éra dantes al poste de los guardas.
Oulá faustino
Pus you coinci bien aqueilha caleija, pus moraba eili acerquita cumo sabes. Tenerá muita stórias la caleija, mas l tiu Jesé Marie nun le ficaba atrás. Nós ls garotos anté l cunhecimos pulas maldades que nos fazie, mas eran siempre cun buona eintançon. Gustaba de la bricadeira i staba siempre a eimbanta-las. Bonda dezir que era sapateiro, i que la sabie toda. Aquels ansinamentos de "praxe" quel era un berdadeiro doutor, ajudoram-nos a medrar. Bien Haja tiu Jesé Marie. "Ls homes morren mas las lhambranças quedam"
Válter
Amigo Faustino,
Descrebiste mui bien essa tan anteressante Caleija de l tiu Jesé Marie.
Tamien you passei eili alguas bezes I lhebei uas buonas cotebelhadas quando l tiu Zé Marie Zapateiro me dezie “chega-te eiqui zapaç para ber cuomo se fazen ls zapatos!” I quando staba acerca del, abri ls braços cun fuorça para sticar l filo, i lhebaba you ua fuorte cotobelhada adonde calhaba, que anté ficaba a ber strelhas.
Tamien you quedo cua delor no coraçon quando miro pa la Caleija nos tous retraticos. Dá ua ideia de ua pobreza mui prefunda, mas fui eili que l fizo muitos zapatos para todos nós ls de Zenízio i que criou três lindas filhas i dous filhos. Ua beç mais parabiens pul tou trabalho de stória local, tan ou mais amportante que l de stória global que hoije mos metan todos ls dies puls uolhos i puls oubidos. Cuontinua a çcubrir las pequeinhas cousas de Zenízio i assi nunca zaparecerá de l mapa.
Leonardo Antão
Enviar um comentário