La rama de la patateira ye bien coincida de to l mundo, yá la frol talbeç nun l seia tanto. I la culpa ye deilha, porque pa la rama que bota ye bien sumítica an froles. I semientes, aqueilhas que bota cumo cereijas apuis de las froles, tamien nun dá muitas i cuido de pouca outelidade. Porque semiente, semiente ten que se poner de las que dá agarradas a las raízes, armanicas a las que quememos. Quien dir ua buolta arrimado a baixas i huortas debrebe puode ancuntrar un patatal cumo l de ls retratos.
Sem comentários:
Enviar um comentário