Chinar/chitar la Sé (antes de la segada)

Andaba you a bolar por ende quando me falórun an chinos i/ou chitos i las sues funciones cume seinhas para guardar las propiadades. Un amigo yá me habie ambiado l retrato de l maior chito de l cunceilho i you cume sou un "boca rota" eiqui l deixo para que todo mundo puoda ber esta nuoba seinha. Se naide toma atento, un die destes pega la moda i tenemos las torres sbarrulhadas cume acunteciu a la parte d'anriba de ls claustros de l antigo Paço de l Bispo! Si, dal Paço atrás de la Sé. Mas essa queda para outro die ...