Pregunteste-me un die
Quanto l'amor medie.
Nun te soube respunder.
Seia alhá cun que fur
You nun tengo nada
Cun que mida l'amor.
L amor ye cielo.
L amor ye ouceano
Un berde de sperança
An óndias tecido.
Mas tamien hai delor
Delareio i loucura
Nos bailes de l´amor.
La medida de l´amor
You nun te la sei dar.
L que te puodo dezir
Ye que l´amor ye ua flor
I que para nun morrer
L tenes que regar.
Delareio i loucura
Nos bailes de l´amor.
La medida de l´amor
You nun te la sei dar.
L que te puodo dezir
Ye que l´amor ye ua flor
I que para nun morrer
L tenes que regar.
Sem comentários:
Enviar um comentário