Diç-se que un cundanado a muorrir-se cua cuorda ne l cachaço pur haber muorto un bezino fui lhebado de la cadena para un cabeço, para le ser aplicada la sentença cumo era questume fazer cun todos ls que éran cundanados a la muorte
Las gientes de l lhugar acumpanhou-lo i íban chamando-le de nomes.
Mientres chegados al sítio adonde habie de ser eisecutada la sentença, l cundanado botou las redadeiras palabras a que tenie dreito, i alhebantando ua eimaige de Nuossa Senhora de las Candeias dixo:
- Mais ua beç afirmo la mie einocéncia, i Nuossa Senhora de las Candeias que aplique l castigo al berdadeiro matador.
Nesse anstante caiu muorta ua pessona que staba ne l meio de la multidon.
L pobo lhibartou l cundanado i lhebou-lo als ombros debuolta al lhugar
(Cuontas que l pobo cuonta)
1 comentário:
Amigo Faustino,
Cun este milagro stás a fazer ua buona dibulgaçon de Nuossa Senhora de las Candenas, que nós, ls zenizienses, beneramos cun ua grande fiesta ne l die 7 de Febereiro, dibulgada ne l nuosso site: http://frolesmirandesas.blogspot.com/
Ua beç mais, apelo a todos ls zenizienses i amigos de ls zenizienses para benirdes a esta fiesta, que muito cuntribui para mantener biba la AMISADE antre ls festejeiros.
Un abraço,
Leonardo
Enviar um comentário