01/08/09

I ban trés




Cumo diç que nun hai dues sien trés, pongo l retrato de la cápia de l terceiro lhibrico de la coleçon An Mirandés, de l eiditora Zéfiro.
I nun pongo l que falta, l de Fonso Roixo, a la ua por bias de nun tener l retrato, i apuis por nun tener muita cunfiança cun l outor; yá li muito berso del, mas nun stou cierto de algua beç lo haber ancuntrado i falado cun el.
Mas pul que leio, anda que nun deixa de ser un fadista buono!



4 comentários:

Fir disse...

Pois muitos parabéns, amigo Alfredo.
Não poderei estar no lançamento, mas sei que vai ser um sucesso.
Um abraço.

franciscobelharino disse...

Buonas tardes Alfredo,

Ls mius parabienes pul salimiento de l tou lhibro Cuontas deste Mundo i de l Outro i deseio-te todo de buono.

Un abraço,

Francisco Domingues

Ana disse...

Buonos dies, Amigo Alfredo,

Poucas horas (onte!) despuis de haber tido l gusto i tamien la surpresa cumo muita giente presente naqueilhas grandes cubas de cimiento que mos purparou miu primo Zé Almendra para mos meter todos alhá dentro (Beian todos bien l que mos acunteciu!) onte, die para todos einesquecible!, na Dega Copratiba de Sendin, quiero dezir-bos mais ua beç que cumo muitos, stou cumbencida, adorei ter assistido a la apresentaçon de l salimiento desses quatro nuobos lhibros screbidos an Mirandés antre ls quales l buosso que tamien nun quiero tardar muito an ler cumo se tubíssemos tamien agora fame de todo ler l que agora se scribe i de l melhor an Mirandés.
I quiero dezir-le tamien: gustei muito de cunhecer sue mai que tamien fui an sou tiempo porsora i tengo la certeza: ua grande porsora.

Un abraço, Alfredo.

Ana

Tortulhas disse...

Buonas nuites,

Oubrigado pulas buossas buonas palabras, Dius bos lo pague!
Mie mai tamien diç, ah Ana, que le gustou muito coincer-bos, que sodes mi simpática; quedou toda cuntenta cun la buossa lhembráncia i que bos manda tamien un beijico!

Abraços,
Alfredo