Cuido que yá limpassado screbi subre las rendas de tie Arminda (que mora ne l Bairro de Belharino an Zenízio, lhougo eili quien sal pa la Speciosa), ou seia yá nun ye la purmeira beç que falo nesta tie i de l que fai.
Mesmo nun sendo la purmeira beç nun fai mal, nunca me cansarei de falar de pessonas assi, nestas cousas i deste modo nada me fai mais feliç, mas nun ye screbir pur screbir eilha merece-lo, nun l fazer ye que ye ua anjustícia, ye mantener calhado un munton de saberes. Son pessonas assi que m’animán, son las sues birtudes, porque son eilhas las duonhas i senhoras desta riqueza que nun ben an cadernicos, son eilhas las anterjeitadas que pónen ne ls uolhos de todos nós cun afeiçon trabalhos daprendidos a fazer al lhargo de seclos.
Las rendas de tie Arminda, son guapas, i dun jeito tan simpres que stampadas nas mantas, cerronas, lhenços, trabesseiros, alforjas anféitan estas pieças birando obras d’arte, outras de criaçon própia i puostas nas mesas i scanhos armánan tan bien a pie d’arranjos de jarras cun froles de bárias quelores, tamien criadas i regadas pulas mesmas manos, que benga l purmeiro que nun quede de boca abierta cun tamanha guapeç.
Ye causo para dezir, Dius criou l mundo i puso alhá todo, mas para esse mundo ser buono i guapo, apuis criou las ties.
L mundo nun l sabe, eilha tamien nun s’amporta muito, mesmo gustando d’amostrar i abrir la puorta de sue casa, cumo abre l coraçon a las pessonas de bien, sou you un bezino cun perbeleijos porque siempre me chama para ber todo l que fai i inda bota rizada quando le digo que ls retratos de sues rendas las bou a poner n’anternete.
Cumo quien diç, si sós bien boubico, anton l que fago ten assi tanto balor?
Ten, porque nun hai muitos nien muitas que ténen este saber i ls outros coincimientos que nun sou capaç de ls amostrar an retratos, eilha ten ua mimória cumo poucos, sabe las eras de quaije to las pessonas de l’aldé, chamadeiros ne l termo, fuontes i puontes, nacimientos, bodas i batizados, dies de finados i lhaços de parentesco, de las lhigaçones familiares zde nuossos abós até ls dies d’hoije, registra na sue mimória ls acuntecimientos d’eimigraçon i besitas.
Muitos son ls que la percúran para saber eras de ls sous, para aqueilhes que la coinhécen i nun acredítan spurmentai i lhougo me l dezis.
Puis amiga Arminda deseio que assi cuntines pur muito i muito tiempo, que Dius te deia l melhor de l mundo para que an ounion i harmonie cun tou tiu i filho nun te falte salude, çernimiento i lhucideç para ajudares ls amigos cumo siempre l faziste.
Pul miu lhado un abraço i las mies çculpas se nun fiç l melhor.
Faustino
Mesmo nun sendo la purmeira beç nun fai mal, nunca me cansarei de falar de pessonas assi, nestas cousas i deste modo nada me fai mais feliç, mas nun ye screbir pur screbir eilha merece-lo, nun l fazer ye que ye ua anjustícia, ye mantener calhado un munton de saberes. Son pessonas assi que m’animán, son las sues birtudes, porque son eilhas las duonhas i senhoras desta riqueza que nun ben an cadernicos, son eilhas las anterjeitadas que pónen ne ls uolhos de todos nós cun afeiçon trabalhos daprendidos a fazer al lhargo de seclos.
Las rendas de tie Arminda, son guapas, i dun jeito tan simpres que stampadas nas mantas, cerronas, lhenços, trabesseiros, alforjas anféitan estas pieças birando obras d’arte, outras de criaçon própia i puostas nas mesas i scanhos armánan tan bien a pie d’arranjos de jarras cun froles de bárias quelores, tamien criadas i regadas pulas mesmas manos, que benga l purmeiro que nun quede de boca abierta cun tamanha guapeç.
Ye causo para dezir, Dius criou l mundo i puso alhá todo, mas para esse mundo ser buono i guapo, apuis criou las ties.
L mundo nun l sabe, eilha tamien nun s’amporta muito, mesmo gustando d’amostrar i abrir la puorta de sue casa, cumo abre l coraçon a las pessonas de bien, sou you un bezino cun perbeleijos porque siempre me chama para ber todo l que fai i inda bota rizada quando le digo que ls retratos de sues rendas las bou a poner n’anternete.
Cumo quien diç, si sós bien boubico, anton l que fago ten assi tanto balor?
Ten, porque nun hai muitos nien muitas que ténen este saber i ls outros coincimientos que nun sou capaç de ls amostrar an retratos, eilha ten ua mimória cumo poucos, sabe las eras de quaije to las pessonas de l’aldé, chamadeiros ne l termo, fuontes i puontes, nacimientos, bodas i batizados, dies de finados i lhaços de parentesco, de las lhigaçones familiares zde nuossos abós até ls dies d’hoije, registra na sue mimória ls acuntecimientos d’eimigraçon i besitas.
Muitos son ls que la percúran para saber eras de ls sous, para aqueilhes que la coinhécen i nun acredítan spurmentai i lhougo me l dezis.
Puis amiga Arminda deseio que assi cuntines pur muito i muito tiempo, que Dius te deia l melhor de l mundo para que an ounion i harmonie cun tou tiu i filho nun te falte salude, çernimiento i lhucideç para ajudares ls amigos cumo siempre l faziste.
Pul miu lhado un abraço i las mies çculpas se nun fiç l melhor.
Faustino
1 comentário:
Buonos dies Faustino,
Ye bien berdade todo l que dizes subre Arminda. Ten uas manos que fáien essess guapos trabalhos de renda, assi cumo sou pai fazie guapos çapatos, an special ls que éran pa ls dies de nomeada. La sue cabeça ye mesmo ua anciclopé subre todo l que se passou na aldé, you yá tube ouportunidade de l poder çtemunhar. Arminda ten tamien l tiu que fai guapos trabalhos an madeira i l filho an fierro, ou seia ye ua fam´lia d' Artistas
Un abraço,
Francisco Domingues
Enviar um comentário