18/08/09

I ban trés, parte 2


Queda tod'mundo cumbidado para la apersentaçon de l lhibro TORTULHAS - Cuontas deste mundo i de l outro, die 23 de Agosto, Demingo, ende pulas 6 de la tarde, ne l Salon de la Casa de l Pobo de San Pedro de la Silba, nua ourganizaçon de l'Associaçon Cultural i Recriatiba de San Pedro de la Silba, cun l apoio de la Junta de Fraguesie.

La apersentaçon será feita por Amadeu Ferreira, diretor de la Coleçon An Mirandés, se calha por esta ye que bós nun asperabades!

Cuido que amportará çtacar l altíssemo balor eiducatibo de ua cousa destas: cumo tal, you yá ua beç lhebei l miu garoto a ua palhestra deste calibre i aquilho tubo ua amportança cimeira na sue eiducaçon: nunca más l lapantin se tornou a negar a quemer l caldo! Quando a las bezes inda le arrefuce ls narizes, bonda dezir-le: Tu mira que se nun t'abias, manhana lhiebo-te a outro salimento de lhibros!... ye remédio santo, nistante l angulhe.


Bah, botai-bos alhá anté San Pedro ne l Demingo, que apuis al fin nun deixaremos de tener tiempo para buer ua pinga i quemer un muordo!

2 comentários:

Ana disse...

Buonas tardes, Amigo Scritor,

Nun poderei star presente anfeliçmente porque starei nesse die, cumo yá ye l caso hoije, a mais de mil quilómetros ...
Ai! Porque ye que un nun ten l don de oubiquidade ?!
Mas nun ye por esso que deixo de le desear zde yá muitos parabienes... i nuobos lhibros an perspetiba !
Amadeu nun s'anganhou ne l prefácio: tendes muito jeito para la scrita, Alfredo.

Un abraço.

Ana

Almendra disse...

Pus tiu Jentonho i tie Florinda alhá starán, fui l que me dezírun hoije. You bou a ber se fago ir tamien la mie tie, porque you zde que haba un muordo i ua pinguita nun falto.

Almendra