12/08/09

Ua sola lhéngua an Pertual?


Ls jornales pertueses stan an crise. Nun solo an crise de bendas, mas subretodo an crise de culidade (cuido que la purmeira crise ben de la segunda). La ourgença an dar amboras faç cun que muita beç ls jornales nun pássen de papagaios de las agenças notíciosas, que scríben las amboras sin analisar, pensar ó questionar, nun cunseguindo scapar a la superfecialidade. Ne ls artigos de oupenion, léien-se muitos "argumientos" assentes an feitos arrados.

Ben este zabafo a perpósito de l eiditorial de l jornal Público de la sesta atrasada, de la outorie de José Manuel Fernandes. Ye un testo subre la deficuldade de ls pertueses an aceitáren la defréncia. A cierta altura, José Manuel Fernandes scribe: "País de velhas fronteiras europeias, étnica e religiosamente homogéneo, com uma só língua, Portugal ainda hoje parece ter medo da diferença e preferir a conveniência". Todo esto ye altamente questionable, mas detengo-me subretodo na spresson "com uma só língua". Será normal que un diretor dun jornal dito de referéncia nun saba que an Pertual nun se fala solo ua lhéngua?
Se fusse outro, you nin stranhaba tanto. Sólo que, tenendo you nacido i bibido siempre "loinge" de la tierra de Miranda, l miu prumeiro cuntato cun testos cumpletamente screbidos an mirandés, foi ne l jornal que José Manuel Fernandes derige hai muitos anhos. Nun será perciso dezir que me refiro a las crónicas de l nuosso porsor Amadeu Ferreira, que me oumentórun la curjidade an daprender mirandés i fúrun decisibas para que you frequentasse l curso que durou dous anhos na Oxford School.
Que dezir desto? Nun acradito que Jesé Manuel Fernandes eignore la eisisténcia de crónicas an mirandés ne l jornal que derige. Será que nun antendiu que l mirandés ye tamien ua lhéngua de Pertual, anque solo seia recoincida oufecialmente hai dieç anhos? Ó será que para sustentar la sue eideia de que bibimos nun paiç houmogéneo, mais quijo eignorar esso todo?
Bou mais pula última teorie. Até porque l testo cuntina cun bastantes falácias: "Fomos quase todos salazaristas, quase todos socialistas, quase todos falsamente liberais e, agora, quase todos coisa alguma". Fala por ti, home!
Scríben estas cousas i apuis inda dízen que bénden poucos jornales por bias de la crise ó de la cuncurréncia de la anternete. De la mie parte, inda bou ganhando para cumprar jornales. Mas ye por estas i por outras que compro cada beç menos.


1 comentário:

Artur Esteves disse...

Peço desculpa por ser em fidalgo mas o meu Mirandês ainda não dá para expor as ideias que aqui quero escrever…
Esse director de jornal foi o mesmo que disse, não há muito tempo, que a auto estrada para Trás-os- Montes não deveria ser feita pois éramos apenas meia dúzia de gatos pingados!
Lendo agora esta citação compreendo que o problema do douto director de jornal era apenas a língua. Temos que a manter isolada, sem auto estrada ou algo que a valha, para ver se ninguém dá põe ela!
Isto também não nos deve surpreender, nestas cabeças iluminadas o país começa em Cascais a acaba em Sacavém, veja-se o caso da bandeira na câmara de Lisboa… aqui del Rei, perdão… aqui del presidente que alguém profanou um símbolo nacional! Símbolo nacional a bandeira de Lisboa? Quando aos meus companheiros deste canto não sei... mas... eu não me revejo naquele símbolo municipal!