21/04/09

José Luís Cabreiro - Infainç - 21/04/1966



Bolar


Bolar: suprema lhibardade!
Antrar no cielo de frente i al redor,
Chubir lebe de la quetobia
Cargado de suonhos i metralha,
Plainar cume un açor
A guardar l campo de batalha.
Para que fuste aquel die a bombardear
Nesse campo que nó l tou?
Lhougo tu que stabas quaije a regressar
Para junto de l amor que te jurou.
Lábios gretados, lhágrimas de carambelo
Manórun cientos, miles, als muntones
No mirar sien tino buscando l cielo
An que bolabas nos abiones.
Inda hoije diç assi baixico a sous botones:
- maldita guerra i peste l home que la ampeçou!
Purmeiro un tiro, minas, granadas,
Bombas de fuogo arramadas de abion,
Touças cortadas, casas a arder, bidas çtroçadas.
I fui la chama, l stourar desse claron
An lhabareda, que te ancandilou.

Abelhón, 21/04/2009





video

2 comentários:

Adelaide Monteiro disse...

Abelhón,
Faziste un poema mui guapo, anque seia de ua situaçón triste.
Bien haias por todo esto,
Beisicos
Adelaide

franciscobelharino disse...

Buonas nuites Abelhón,
Parabienes por mais este guapo poema i por cuntinares a lhembrar ls mirandeses que tombórun nessa guerra.
Deseios dun buono almuorço ne l die dous de Maio a todos ls ex. cumbatientes dessa guerra, que se ban ancuontrar an Miranda i un abraço bien arrochado a todos.
Un abraço,
Francisco Domingues