13/04/09

Bestida de Primabera



De l Eimbierno tirei la gorra
Pus ua flor an miu pelo
Botei fuora l aire de stroina
Amanhei-me cun zbelo

Besti-me cun mantos
De bioletas i rosas
Colhi cheiros puls campos
Calcei cendálhas mimosas

Corri por campos sien fin
Antre tomielhos, scobas
Carqueijas, alecrin
Na natureza an renuobas

Bolei cun las andorinas
I cun las rolas cantei
Ansaiei l canto de l cuco
I cun las ciguonhas beilei

Saltei por cabeços i prados
Alegremente corri
Bestida de Primabera
An felcidade renaci

Sem comentários: