Deixei tanto, ganhei tanto!

 

Deixei  para trás farrapos

 Por me sobraren  medidas

Deixei lhágrimas spalhadas

Ne l relento de l camino.

 

Deixei risas, deixei cantos

Deixei rostros, çpedidas

 Deixei risadas i prantos

Deixei fruitos sanos i lhibres

 

Deixei que  sol zbotasse

La tela de l miu pelo

Deixei que l aire secasse

L  liso de la mie piele

 

Pego nas piedras i amanho

L que dir para amanhar

Hai amisades que nácen

I me fázen cuntinar

 

Deixei tanto, ganhei tanto

Ne ls baláncios deste tiempo

I nien sequiera sei l quanto

Inda tengo para ganhar