L cágado (tartaruga) anriba dun posto de la lhuç
Una beç, enquanto l doutor trataba la mano de l bielho Zé Formariç, que
s’habie picado nun piorno i habie criado broça, l doutor i tiu Zé ampeçórun a
cumbersar subre la situaçon de l paiç, l gobierno i cumo nun puodie deixar de
ser subre l nuosso purmeiro ministro.
L Bielho Zé Formariç dixo-le: “Buono, l miu amigo i eilustre doutor sabe .…
que l nuosso purmeiro ministro ye cumo un cágado anriba dun posto de la lhuç”
Sien saber bien l que quijo dezir,
l doutor percurou-le, l que segneficaba un cágado anriba dun posto.
L que tiu Zé respundiu:
Ye assi, bós ides por ua stradica, i bedes un posto i alhá anriba un
cágado a tentar fazer l pino, eiquelibrar-se para nun se chimpar.
Mas esso ye un cágado nun posto.
Delantre de la cara d’spanto que fizo l doutor, l bielho Zé acrescentou:
-Bós nun antendeis cumo el chegou alhá.
-Bós nun acraditais quel steia ende.
-Bós sabeis quel nun s’ancarrapitou até alhá solico.
-Bós sabeis quel nun debie nien puodie star alhá.
-Bós sabeis quel nun bai a fazer
nada enquanto stubir alhá.
-Bós nun antendeis porque l ponírun alhá.
Anton todo l que tenemos a fazer ye dar ua upa para s’abaixar d'alhá, i
tomar las debidas porbidéncias para que nunca mais s’ancarrapite, puis alhá anriba
nun ye l lhugar del.
Sem comentários:
Enviar um comentário