10/03/13

LEITURA DE LS LUSÍADAS AN MIRANDÉS

 

 
[Retrato de Alcides Meirinhos i Dinis Meirinhos]


 LEITURA DE LS LUSÍADAS AN MIRANDÉS – JOSÉ PEDRO FERREIRA (Retrato 119)


Jesé Pedro Ferreira (1980), naciu an Bila Rial i bibe an Lisboua, adonde trabalha. Studou an Amora-Seixal i formou se an Lhenguística pula Faculdade de Letras de la Ounibersidade de Lisboua. Fala l mirandés zde pequeinho, que daprendiu cula sue família que ye de Sendin, tierra adonde creciu i passou muito tiempo, subretodo cun
sous abós.
Cumo lhenguista ten sido ua de las pessonas que mais studo le ten dedicado al mirandés, lhéngua que cuntina a studar. Cun Amadeu Ferreira ye outor de la traduçon de l’abintura de Asterix L GALATON, i de l Dicionário de Mirandés-Pertués, que ten sido publicado na antenete. De sue outorie ye l mais lhargo bocabulairo de mirandés, cun mais de 200 mil formas, i l único corpus científico de mirandés, cun mais de un milhon de palabras. Tamien fui l cordenador, pul lhado de l mirandés, de l porjeto de la Microsoft Corporation de síntese de la fala mirandesa de que se ban a coincer ls resultados deiqui a pouco tiempo.
De l lhado de la lhenguística pertuesa ten dezenas de trabalhos científicos publicados an bários libros coletibos, atas de congressos i rebistas.
Apersentou se a ler acumpanhado de sou armano, João Ferreira, i de sou pai, Amadeu Ferreira.
Liu las stáncias 111 a 126 de l Canto X.

Sem comentários: