Airaçadas de spritos zanquietos. Formigueiro dromido çpierta de las antranhas que tierra rebuolbe adebina auga, frolicas, sol i muita, muita bida. Guapa adromecida picada pula ambeija drume se ua bida. Spierta se de suonho i nuoba bida se adebina. Hai sprança siempre que hai bida. Toda la sprança se sbai cula muorte.
Ancorcha se l cuorpo fincado a
chano a modos spinhaço dreito de braços a cielo. Anho após anho ganha se ó
perde se couraça. Sente-se l cuorpo andrento a bózios. Anculagado, l cuorpo,
sente se ancubierto a modos corcha que bibe de bien cula mai tronco que sangre
le dá i bida le bota. L que son nuobe anhos nua bida? Puode se agarrar
balientes berduadas que nada de nada amachuca; nien l sonido de las arrochadas
arrepássa, fai richochete. Nun fuosse la corcha buona eisoladora. L cuorpo
andrento solta la piel que lo aperreia. Miras-te sobreiro apuis zancorchado,
aburmelhada piel nuoba ganhas i tantas mais zancorchadelas bais deitar fuora i bida
nuoba ganhar.
Sem comentários:
Enviar um comentário