Nun gastes las palabras
An çcursos sien sentido
Nun te canses an caminadas
Por caleijas sien çtino
Chegan-te bózios de gente
An retombares na lunjura
Cun pedidos de ourbalho
Neste mundo de secura
Naide quier las palabras
Sien ua mano a calcer
Naide quier ua fuonte
Sien auga para buer
Naide quier las palabras
Que l aire lhiebe a correr
Naide quier un celeiro
Sien pan para quemer
Subscrever:
Enviar feedback (Atom)
2 comentários:
Buonas tardes Delaide,
Estes tous guapos bersos tenen sentido, mas cumo dizes para quei tantos çcursos, se quien ls fai nun stá a pensar an cumprir l que diç.
Un abraço,
Francisco
Parole, parole,...yá assi dezie la cantiga.
Esto dua forma giral, nun ye solo nos çcursos.
beisicos Francisco.
Enviar um comentário