12/08/09

Ls Bersos de Jantonho


2 comentários:

Ana disse...

Amigo Artur,
Amigos leitores i apreciadores de buona i grande lhiteratura,

Tube l prazer de ler esse purmeiro lhibro de poemas de Jesé Antonho Esteves (que debe de ser ua pessona de la sue família, Amigo Artur) nestes dies : purmeiro an Pertual i depuis aqui an França adonde resido, zde esse die 1° de Agosto, die an que esse lhibro fui apresentado al público pula purmeira beç, an Sendin, i adonde cunheci tamien pessonalmente pula purmeira beç l sou outor.

Yá cheguei a l dezir neste mesmo site mas torno a dezir : acunseilho a todos la leitura destes poemas de Jesé Antonho Esteves.
Son ua berdadeira liçon de bida. Ua bida que por bezes ye mui cumplicada. Ye l caso desse pai de família que fui bítima dun acidente grabe quando tenie 33 anhos mas que apesar de todo l sofrimiento i de todas las cumplicaçones siempre cuntinou preocupado an ber ls sous filhos felizes i capazes tamien de anfrentar la bida.
Esse testemunho ye para todos nós ua maneira tamien de daprender a biber. Todos juntos i fraternamente porque nun puode ser doutra maneira.

Bien haia por cunseguinte al nuosso Amigo Poeta Jesé Antonho deseando-le ua nuoba fiesta, tamien feliç, desta beç an Palaçuolo, para l’apresentaçon de l sou lhibro ; i muitas felcidades tanto para el cumo para todos ls sous leitores i amigos.

P.S. Soube tamien nestes dies que l miu home i l outor de l lhibro ténen ua prima an quemun : Palmira casada an Sendin cun Manel Fiscal ; ne l que diç respeito al miu home, pul lhado de l pai deilha, tiu Tomás de Prado Gatón. I ne l que diç respeito al Amigo Jesé Antonho, l nuosso Amigo Poeta, de l lhado de la mai deilha.

Mais ua cousa (Tamien para l ancansable promotor de la Lhéngua Mirandesa que ye Amadeu Ferreira): L lhibro de Jesé Antonho Esteves (cumo ls trés outros eiditados nestes dies pela Zéfiro) yá stá neste momento an mie casa an França. I l que me parece ye que yá bai a ser tiempo de dar tamien a cunhecer essa nuossa lhiteratura mirandesa als nuossos Amigos Franceses. Sei que eilhes tamien saberan apreciar.

Ana disse...

... fraternalmente...